ବ୍ରହ୍ମପୁର (ସମୃଦ୍ଧ ଓଡିଶା) ଅଖିଳ ଭାରତୀୟ ମାରୱାଡି ମହିଳା ସମ୍ମିଳନୀ ସଂଗଠନ ସମଗ୍ର ଭାରତରେ ରକ୍ତଦାନ ଠାରୁ ଆରମ୍ଭ କରି ଆଖି, ଶରୀର ଏବଂ ଅଙ୍ଗ ଦାନ ସଚେତନତା ଉପରେ ନିରନ୍ତର କାର୍ଯ୍ୟ କରିଆସୁଛି l ଏହି ସଂଗଠନର ସଦସ୍ୟମାନେ ଆଖି ଦାନ ଉପରେ ଅଡିଓ ଏବଂ ଭିଡିଓ ରିଲିଜ୍ କରି, ପ୍ରତ୍ୟେକ ସମ୍ଭାବ୍ୟ ଉପାୟରେ ଜନସାଧାରଣଙ୍କ ନିକଟରେ ପହଞ୍ଚିବାକୁ ଚେଷ୍ଟା ଜାରି ରଖିଛନ୍ତି l ବ୍ରହ୍ମପୁର ବ୍ୟତୀତ ଅନ୍ୟ ଅଞ୍ଚଳରେ ଆଖି ସଂଗ୍ରହ କରି ଅନ୍ୟାନ୍ୟ ସହରରେ ମଧ୍ୟ ଦାନ କରାଇଛନ୍ତି ଏବଂ ଆଖି ଦାନ ଫର୍ମ ପୂରଣ କରିବାରେ ମଧ୍ୟ ସଫଳ ହୋଇଛନ୍ତି ବୋଲି ଜଣାଯାଇଛି l ସେହିଭଳି ଏକ ମହାନ କାର୍ଯ୍ୟ ଜାରା ନିୱାସରେ ସମ୍ପାଦନ ହୋଇଛି l ମାରୱାଡି ମହିଳା ସମିତିର ସୂଚନା ଅନୁସାରେ ଜାରା ନିବାସ ୱାର୍ଡେନ ଏମ ମିନତି ରାଓ ଖବର ଦେଇଥିଲେ, ଯେ ଜାରା ନିବାସୀ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି ଏବଂ ତାଙ୍କ ଆଖିକୁ ଦାନ କରାଯିବ l ପରବର୍ତ୍ତୀ ସମୟରେ ଏହି ସଂଗଠନର ସଦସ୍ୟମାନଙ୍କ ସହିତ ଚକ୍ଷୁ ବ୍ୟାଙ୍କର କର୍ମଚାରୀ ପହଞ୍ଚି ୬୨ ବର୍ଷୀୟା ବୃଦ୍ଧା ମାଟି ସାହୁଙ୍କ ଆଖିକୁ ସୁରକ୍ଷାର ସହିତ ସଂଗ୍ରହ କରାଯାଇଥିଲା l ସଫଳତା ମନରେ ଅଧିକ ଏବଂ ନୂତନ ଚିନ୍ତାଧାରା ଫସଲ କରିବାକୁ ପ୍ରେରଣା ଯୋଗାଇଥାଏ l ସୋସିଆଲ ମିଡ଼ିଆ ଦୁନିଆକୁ ସଂକୀର୍ଣ୍ଣ କରି ଦେଇଛି ଏବଂ ଏହା ସହିତ ହାତ ମିଳାଇବା ପାଇଁ ସାଧାରଣ ଜନତାଙ୍କୁ ଏକ ଆବେଦନ ଯାହାଦ୍ୱାରା ଆମେ ଅନ୍ଧତ୍ୱକୁ ବହୁ ପରିମାଣରେ ଦୂର କରିପାରିବା ଏବଂ ଅନ୍ଧକାରରୁ ଲୋକମାନଙ୍କୁ ବାହାରକୁ ଆଣିବ, ସେମାନଙ୍କୁ ଚତୁର୍ଦ୍ଦିଗରେ ଥିବା ରଙ୍ଗକୁ ଗ୍ରହଣ କରିବାରେ ସାହାଯ୍ୟ କରିବ ବୋଲି ମହିଳା ସମିତିର ସଭାପତି ରୁବୀ ଖେମାନି କହିଛନ୍ତି l ଆମର ସଂଗଠନ ଏପରିକି ବ୍ୟକ୍ତିଗତ ପରାମର୍ଶ ଅଧିବେଶନ ଆୟୋଜନ କରି ବର୍ତ୍ତମାନ ସୁଦ୍ଧା ୫୦ ଗୋଟି ଆଖି ସଂଗ୍ରହ କରି ଆଖି ଦାନ କରାଯାଇଛି l ଆଖି ହେଉଛି ସର୍ବଶକ୍ତିମାନଙ୍କର ସବୁଠାରୁ ସୁନ୍ଦର ସୃଷ୍ଟି, ଆମ ଆଖି ଦାନ କରି ଆମେ ଅନେକଙ୍କୁ ଦୃଷ୍ଟି ଦେଇପାରିବା ଆଶାରେ ଆଗାମୀ ବର୍ଷରେ ଆହୁରି ଅନେକ ଲକ୍ଷ୍ୟ ରଖାଯାଇଛି ବୋଲି ମାରୱାଡି ମହିଳା ସମିତି ପକ୍ଷରୁ କୁହାଯାଇଛି l
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା