ସମ୍ବଲପୁର(ସମୃଦ୍ଧ ଓଡିଶା)ମାତ୍ର ୩ ଟଙ୍କା ଫେରାଇଲେନି ବୋଲି ଦୋକାନୀ ଗଣିବ ଏବେ ୨୫ ହଜାର ଟଙ୍କା ଫାଇନ୍ । ସମ୍ବଲପୁର ଜିଲ୍ଲା ଖାଉଟି ଅଦାଲତଙ୍କ ନିର୍ଦେଶ ୩ ଟଙ୍କା ପାଇଁ ୨୫ ହଜାର ଟଙ୍କା ତଣ୍ଡ ଗଣିବେ ଜେରକ୍ସ ଦୋକାନୀ। ମାସେ ମଧ୍ୟରେ ପଇସା ନ ଦେଲେ ଗଣିବେ ଉଚ୍ଚ ହାରର ସୁଧ। ଘଟଣାଟି ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଏପରି ଘଟଣା ଦେଖିବାକୁ ମିଳିଛି ସମ୍ବଲପୁର ଜିଲ୍ଲାରେ। ସମ୍ବଲପୁରରେ ଜଣେ ଜେରକ୍ସ ଦୋକାନୀଙ୍କୁ ୨୫ ହଜାର ଟଙ୍କା ଫାଇନ କରିଛନ୍ତି ଜିଲ୍ଲା ଖାଉଟି ଅଦାଲତ । ମାସେ ଭିତରେ ଟଙ୍କା ନଦେଲେ ୯ ପ୍ରତିଶତ ସୁଧ ସହ ଟଙ୍କା ଦେବାକୁ ପଡ଼ିବ ବୋଲି ରାୟରେ ଉଲ୍ଲେଖ ରହିଛି । ଗତ ଏପ୍ରିଲ ୨୮ ତାରିଖ ଦିନ ସମ୍ବଲପୁରର ଜଣେ ବ୍ୟକ୍ତି ବୁଢାରଜା ଅଞ୍ଚଳରେ ଥିବା ଏକ ଜେରକ୍ସ ଦୋକାନକୁ ଆସିଥିଲେ। ଫଟୋ କପି ଜେରେକ୍ଯ ପାଇଁ ଗ୍ରାହକ ଜଣଙ୍କ ଦୋକାନୀକୁ କହିଥିଲେ। ଦୋକାନୀ ମଧ୍ୟ ଫଟୋ କପି ଜେରେକ୍ଯ କରି ଦେଇଥିଲା। ଗ୍ରାହକ ଜଣଙ୍କ ଦୋକାନୀଙ୍କୁ ୫ ଟଙ୍କା ଦେଇଥିଲେ। ହେଲେ ଦୋକାନୀ ତାଙ୍କୁ ଅବଶିଷ୍ଟ ପଇସା ଫେରାଇ ନ ଥିଲେ। ବ୍ୟକ୍ତି ଜଣଙ୍କ ଜେରେକ୍ସ ବାବଦକୁ ୨ ଟଙ୍କା ରଖି ୩ ଟଙ୍କା ଦେବାକୁ ଦୋକାନୀକୁ କହିଥିଲେ । ଦୋକାନୀ ଜଣଙ୍କ ଗୋଟିଏ କପି ଜେରେକ୍ଯର ଦାମ ୫ ଟଙ୍କା ବୋଲି କହିଥିଲେ । ସବୁ ଦୋକାନ ଗୋଟିଏ କପି ଜେରେକ୍ସ ବାବଦକୁ ୨ଟଙ୍କା ନେଉଛନ୍ତି ବୋଲି ଗ୍ରାହକ ଜଣଙ୍କ ଦୋକାନୀ ଆଗରେ ଯୁକ୍ତି ବାଢ଼ିଥିଲେ। ବ୍ୟକ୍ତି ଜଣଙ୍କ କଥାରେ ଦୋକାନୀ ରାଗିଯାଇ ତାଙ୍କୁ ୫ ଟଙ୍କା ଫେରସ୍ତ କରିଥିଲେ। ଭିକାରୀକୁ ଦାନ ଦେଲେ ବୋଲି କହିଥିଲେ। ଦୋକାନୀର ଏହି କଥା ଗ୍ରାହକଙ୍କୁ ବହୁତ ବାଧିଥିଲା। ସେ ଖାଉଟି ଅଦାଲତର ଦ୍ୱାରସ୍ଥ ହୋଇଥିଲେ।ଦୋକାନୀ ନାଁରେ ଅଭିଯୋଗ କରିଥିଲେ। କୋର୍ଟ ଜେରେକ୍ସ ଦୋକାନୀଙ୍କୁ ହାଜର ହେବାପାଇଁ ନୋଟିସ କରିଥିଲେ। ହେଲେ ଜେରେକ୍ସ ଦୋକାନୀ ୪ଟି ଡେଟ୍ରେ ହାଜର ହୋଇ ନ ଥିଲେ। ପଞ୍ଚମ ଡେଟ୍ରେ ଜେରେକ୍ସ ଦୋକାନୀ ପକ୍ଷରୁ ତାଙ୍କ ଓକିଲ କୋର୍ଟରେ ହାଜର ହୋଇଥିଲେ। କୋର୍ଟରେ ବିଚାର ହୋଇଥିଲା। କୋର୍ଟର ପ୍ରଥମ ଶୁଣାଣିରେ ଦୋକାନୀ ଉପରେ ୨୦୦ ଟଙ୍କା ଫାଇନ ପକାଇଥିଲେ। ତଥାପି ପରବର୍ତ୍ତୀ ଶୁଣାଣିକୁ ପ୍ରତିପକ୍ଷ ହଜାର ନ ହେବାରୁ ଦ୍ୱିତୀୟ ଶୁଣାଣି ଜେରେକ୍ସ ଦୋକାନୀ ଉପରକୁ ୫୦୦ ଟଙ୍କା ଫାଇନ ପକାଇଥିଲେ। ତୃତୀୟ ଶୁଣାଣି ବେଳକୁ କୋର୍ଟ ୨୫ ହଜାର ଟଙ୍କା ଫାଇନ ଦେବାକୁ ଦୋକାନୀଙ୍କୁ ନିର୍ଦ୍ଦେଶ ଦେଇଛନ୍ତି।ଏହି ଟଙ୍କା ନିର୍ଦ୍ଧାରିତ ସମୟସୀମା ଭିତରେ ନ ଦେଲେ ମାସିକ ୯ % ସୁଧ ଦେବାକୁ କହାଯାଇଛି ।
ରିପୋର୍ଟ : ଆଡ଼ଭୋକେଟ ପ୍ରଶ୍ନ ପଟ୍ଟନାୟକ