ଛତ୍ରପୁର (ସମୃଦ୍ଧ ଓଡିଶା) ଡାକ୍ତର ଅର୍ଚ୍ଚନା ଦାସଙ୍କର ଅତ୍ମହତ୍ୟାରେ ସଂପୃକ୍ତ ତାଙ୍କ ସ୍ୱାମୀ ଡାକ୍ତର ଅଞ୍ଜନ କୁମାର ଦାସ ଗତକାଲି ତଥା ୧୬.୩.୨୦୧୯ ତାରିଖ ଦିନ ଛତ୍ରପୁର ସବଡିଭିଜନାଲ ବିଚାର ବିଭାଗୀୟ ମାଜଷ୍ଟ୍ରେଟ ଜୟପ୍ରକାଶ ନାୟକଙ୍କ କୋର୍ଟରେ ଆତ୍ମସମର୍ପଣ କରିଛନ୍ତି । ତାଙ୍କର ଜାମିନ ନାମଞ୍ଜୁର କରାଯାଇ ଛତ୍ରପୁର ଉପକାରାଗାରକୁ ପଠାଇ ଦିଆଯାଇଛି । ତେବେ ବିଚାରପତିଙ୍କ ଆଦେଶ ବିରୁଦ୍ଧରେ ଅଂଜନ କୁମାର ଦାସ ଅତିରିକ୍ତ ଜିଲ୍ଲା ଦୈରାଜର୍ଜଙ୍କ ଅଦାଲତରେ ଅପିଲ କରିଛନ୍ତି । ଏହି ଅପିଲର ଶୁଣାଣୀ ପାଇଁ ୨୩.୦୩.୨୦୧୯ ତାରିଖ ଦିନ ଧାର୍ଯ୍ୟ ହୋଇଛି । ଅର୍ଚ୍ଚନାଙ୍କ ମାତା କୁସୁମ ପ୍ରଭା ମିଶ୍ରଙ୍କ ଏତାଲା କ୍ରମେ ତାଙ୍କ ଝିଅକୁ ବିବାହ ପରେ ଅଂଜନ ଦାସ ଶାରୀରୀକ ଓ ମାନସିକ ନିର୍ଯ୍ୟାତନା ଦେବା ସହ ଆତ୍ମହତ୍ୟା ପାଇଁ ପ୍ରବର୍ତ୍ତାଇ ଥିବାରୁ ଅଞ୍ଜନ ଦାସ ଓ ତାଙ୍କ ବାପା, ମା ଭାଇ, ଭାଇବୋହୁଙ୍କ ନାମରେ ଭାରତୀୟ ପିଙ୍ଗଳ ଧାରା ୪୯୮କ, ୩୭.୩୦୬, ୨୪.୩୪୧/୩୪, ଓ ଯୌତୁକ ନିବାରଣ ଆଇନ ଧାରା ୪ରେ ମାମଲା ରିଜୁ କରାଯାଇଥିଲା । କେସ ହେବା ଦିନଠାରୁ ଅର୍ଥାତ ୧୭.୦୮.୨୦୧୭ ତାରିଖ ଠାରୁ ମୁଖ୍ୟ ଅଭିଯୁକ୍ତ ଫେରାର ଥିଲେ । ଉଚ୍ଚ ନ୍ୟାୟାଳୟରେ ଅଗ୍ରୀମ ଜାମିନ ନାମଞ୍ଜୁର ଓ ଅତ୍ମସମର୍ପଣର ଆଦେଶ ଦେବା ଫଳରେ ଏହି ଆସାମୀ ଅତ୍ମସମର୍ପଣ କରିଥିଲେ । ଏହି ମାମଲାକୁ ସରକାରୀ ଓକିଲ ରାଜେଶ କୁମାର ମିଶ୍ର, ଶରତ ଚନ୍ଦ୍ର ପ୍ରଧାନ, ସୈାରୀ ବେହରା ଓ କୃଷ୍ଣ ଚନ୍ଦ୍ର ବେହେରା ପରିଚାଳନା କରୁଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା