ଶେରଗଡ଼(ସମୃଦ୍ଧ ଓଡିଶା)ହିଞ୍ଜିଳି ନିର୍ବାଚନ ମଣ୍ଡଳୀ ଶେରଗଡ ବ୍ଳକର ବିଭିନ୍ନ ଅଞ୍ଚଳରେ ସାମ୍ବାଦିକ ଭାବେ କାର୍ଯ୍ଯ କରୁଥିବା ଖବରଦାତାମାନଙ୍କୁ ନେଇ ଆଞ୍ଚଳିକ ସାମ୍ବାଦିକ ସଂଘ ଗଠିତ ହୋଇଛି । ସଂଘର ପ୍ରଥମ ବୈଠକ ନରେନ୍ଦ୍ରପୁର ଗ୍ରାମର ମାଁ କାମାକ୍ଷୀ ଦେବୀ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଥିଲା। ଉକ୍ତ ବୈଠକ ରେ ଦେବୀ ପ୍ରସାଦ ଦାଶ ଅଧକ୍ଷତା କରିଥିଲେ। ଏହି ସଂଘ ଅଞ୍ଚଳର ବିକାଶ ଦିଗରେ କାମ କରିବାକୁ ସମସ୍ତ ସଭ୍ଯ ମାନେ ମତ ପ୍ରକାଶ କରିଥିଲେ। ଶେରଗଡ ବ୍ଳକ ବିଭିନ୍ନ ସାମାଜିକ ସେବା ଓ ଲୋକ ମାନଙ୍କ ବିକାଶ ରେ ଆଞ୍ଚଳିକ ସାମ୍ବାଦିକ ସଂଘ ହାତ ବଢେଇ ବିକାଶ କୁ ଆଗେଇ ନିଆଯିବ ବୋଲି ସଂଘ ର କର୍ମକର୍ତ୍ତାମାନେ ମତ ପ୍ରକାଶ କରିଥିଲେ। ସଂଘ ପୁନଗଠନ ପୂର୍ବରୁ ଆଞ୍ଚଳିକ ସାମ୍ବାଦିକ ସଂଘ ର ସଭାପତି ଭାବେ ସୂର୍ଯ୍ଯନାରାୟଣଦାଶ, ଉପସଭାପତି ଭାବେ ପ୍ରଫୁଲ କୁମାର ମହାନ୍ତି, ସମ୍ପାଦକ ଭାବେ ଅଶୋକ କୁମାର ଦାଶ, ସାଂଗଠନିକ ସମ୍ପାଦକ ଭାବେ ଭିକୁ ନାୟକ, କୋଷାଧ୍ୟକ୍ଷ ଭାବେ ରାଜୀବ କୁମାର ପ୍ରଧାନ, ଉପଦେଷ୍ଟା ଭାବେ ଦେବୀ ପ୍ରସାଦ ଦାଶ ଙ୍କୁ ସର୍ବସମ୍ମତି କ୍ରମେ ଚୟନ କରାଯାଇଥିଲା। ସମସ୍ତ ସଭ୍ଯ ମାନେ ଆଞ୍ଚଳିକ ସାମ୍ବାଦିକ ସଂଘ ସ୍ବାର୍ଥ ସହିତ ଜଡିତ ହେବା ସହ ସାମାଜିକ ସେବାରେ ନିୟୋଜିତ କରିବା ଲାଗି ଶପଥ ପାଠ କରିଥିଲେ। ଏନେଇ ସଂଘର କର୍ମ କର୍ତ୍ତା ମାନେ ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ଗଞ୍ଜାମ ଆରକ୍ଷୀ ଅଧିକ୍ଷକ ଙ୍କୁ ସାକ୍ଷାତ କରିବାକୁ ନିଷ୍ପତ୍ତି କରାଯାଇଥିଲା l ଏଥିସହିତ ଉତ୍କଳ ସାମ୍ୱାଦିକ ସଂଘର ବ୍ଲକ୍ ସଭାପତି ଭାବରେ ଅଖିଳ କୁମାର ପଟ୍ଟନାୟକ ଉପସଭାପତି ରୂପେ ବିରୁପାକ୍ଷ ବିଷୋୟୀ ଙ୍କୁ ନିର୍ବାଚିତ କରାଯାଇଥିଲା l ପରିଶେଷରେ ସମସ୍ତଙ୍କୁ ଧନ୍ଯବାଦ ପ୍ରଦାନ କରାଯାଇଥିଲା l
ରିପୋର୍ଟ୍ : ରଜତ ପଟ୍ଟନାୟକ