ବ୍ରହ୍ମପୁର (ସମୃଦ୍ଧ ଓଡିଶା) ମା’ପାର୍ବତୀ ନୋଡାଲ ମହିଳା ଏସ.ଏଚ. ଜି ଗୃପର ପ୍ରାୟ ଏକ ହଜାର ସଭ୍ୟାଙ୍କୁ ଟାଟା ପାୱାର କମ୍ପାନୀର ବହିଷ୍କାର ନେଇ ଗତକାଲି ଉତ୍ତେଜନା ଦେଖା ଦେଇଥିବା ଜଣାପଡିଛି । ସୂଚନା ଯେ, ରାଜ୍ୟର ମିଶନ ଶକ୍ତି ମାଧ୍ୟମରେ ଏସ.ଏଚ.ଜି. ଗୃପର ମହିଳାମାନଙ୍କୁ ନେଇ ଗଠିତ ହୋଇଛି, ଜୀବିକା ମିଶନ । ତେବେ ସାଉଥକୋରେ ନିୟୋଜିତ ମା’ ପାର୍ବତୀ ନୋଡାଲ ମହିଳା ଏସ.ଏଚ.ଜି ଗୃପର ପ୍ରାୟ ଏକ ହଜାର ମହିଳା ଏସ.ଏଚ.ଜି ସଭ୍ୟାଙ୍କୁ ଟାଟା ପାୱାର କମ୍ପାନୀ ବହିଷ୍କାର କରି ଦେଇଛନ୍ତି । ତା’ପ୍ରତିବଦଳରେ ଟାଟା କମ୍ପାନୀ ସେ ଅନ୍ୟ ନୂଆଁ ଲୋକଙ୍କୁ ନିୟୋଜିତ କରିଛି । ଏ ନେଇ ଗଞ୍ଜାମ ଜିଲ୍ଲାପାଳଙ୍କ ଠାରେ ପ୍ରତିବାଦ ହୋଇଥିବା ଜଣାଯାଇଛି । ମହିଳାମାନଙ୍କର ଥଇଥାନ ଏବଂ ବିଭିନ୍ନ ସ୍ଥାନରେ ବିଭିନ୍ନ କ୍ଷେତ୍ରରେ ଏସ.ଏଚ.ଜି. ଗୃପ ଗଠନ କରାଯାଇ ମହିଳା ସଦସ୍ୟଙ୍କୁ ବିଭିନ୍ନ କ୍ଷେତ୍ରରେ ନିୟୋଜିତ କରାଯାଇ ଆତ୍ମନିର୍ଭରଶୀଳ ଦିଗରେ ରାଜ୍ୟ ଓ କେନ୍ଦ୍ର ସରକାର ଗୁରୁତ୍ୱପ୍ରଦାନ କରି ଆସିଛନ୍ତି । ସେମାନେ ନିଜେ କାମ କରି ଅନ୍ୟଙ୍କୁ ଓ ସାମୂହିକ ଦିଗରେ ସ୍ୱାବଲମ୍ବନଶୀଳ ହୋଇ ନିଜ ପରିବାରରେ ଜୀବିକା ନିର୍ବାହ ଦିଗରେ ବହୁ ମହିଳା ସହାୟକ ହୋଇ ଆସିଛନ୍ତି । ଜୀବିକା ମିଶନରେ ଗଞ୍ଜାମ ଜିଲ୍ଲା ଅଧିକ ଶକ୍ତିଶାଳୀ ହୋଇ ଉଠିଥିବା କୁହାଯାଏ । କିନ୍ତୁ ଗଞ୍ଜାମ ଜିଲ୍ଲାରେ ଗଢ଼ି ଉଠିଥିବା ବହୁଳ ମହିଳା ଆତ୍ମସହାୟକ ସଂଘ ଏସ.ଏଚ.ଜି. ଗୃପଙ୍କୁ ଏବେ ଅନେକ ପ୍ରକାର ବାଧାବିଘ୍ନ ଏବଂ ଆତ୍ମ ସହାୟକ ଦିଗରେ ଏସ.ଏଚ.ଜି. ଗୃପର ମହିଳାଙ୍କୁ କେତେକ ପ୍ରତିବନ୍ଧକର ଶିକାର ହେବାକୁ ପଡିଛି । ଏ ବିଷୟରେ ଆମ୍ଭେ ଅବଗତ ହେଲୁ ଯେ, ମା’ ପାର୍ବତୀ ନୋଡାଲ ମହିଳା ଏସ.ଏଚ.ଜି ଗୃପର ପ୍ରାୟ ଏକ ହଜାର ମହିଳା ଏସ.ଏଚ.ଜି ସଭ୍ୟାଙ୍କୁ ଟାଟା ପାୱାର କମ୍ପାନୀ ବହିଷ୍କାର ନେଇ ପ୍ରଶାସନଠାରେ ପ୍ରତିବାଦ ହୋଇଥିବା ଜଣାଯାଇଛି । ଏସ.ଏଚ.ଜି ମହିଳା ସାଉଥକୋରେ ନିୟୋଜିତ ମହିଳାଙ୍କୁ ବହିଷ୍କାର ନେଇ ନୋଡାଲ ମହିଳା ଏସ.ଏଚ.ଜି ଟିମ୍ ଏନେଇ ରାଜ ଦରବାର ସାମନାକୁ ଆସିଛି । ପ୍ରଶାସନର ଅଣଦେଖା ହେତୁ ବିଭିନ୍ନ ସ୍ଥାନରେ ବିଭିନ୍ନ କ୍ଷେତ୍ରରେ ନିୟୋଜିତ କରାଯାଇଥିବା ମହିଳା ଗୃପ ଏବେ ବିଭିନ୍ନ ପ୍ରତିବନ୍ଧକର ଶିକାର ହୋଇଛନ୍ତି । ସେମାନେ ସେମାନଙ୍କର ଜୀବିକା ନିର୍ବାହ ଦିଗରେ ଏବେ ବାଧକ ସାଜିଛି । ଏନେଇ ଏକ ଖବର ଆମର ହସ୍ତଗତ ହୋଇଛି । ଯାହାକି, ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ସୋମବାର ୧ ଶହ ଗୋଟି ନୋଡାଲ ଏସ.ଏଚ.ଜି. ଗୃପର ସମସ୍ତ ସମ୍ପାଦକ ଓ ସଭାନେତ୍ରୀ ଗଣ ନିଜର ଦସ୍ତଖତ ଥିବା ଏକ ସ୍ମାରକପତ୍ର ନେଇ ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ସମବେତ ହୋଇଥିଲେ ଏବଂ ଉକ୍ତ ସ୍ମାରକପତ୍ର ରାଜ୍ୟ ସରକାରଙ୍କ ଉଦ୍ଦେଶ୍ୟରେ ପ୍ରଦାନ କରିଛନ୍ତି । ପ୍ରାୟ ୧ ହଜାର ଜଣ ମହିଳା ଦୀର୍ଘ ୧୦ ବର୍ଷ ଧରି ସାଉଥକୋ କାର୍ଯ୍ୟରେ ନିୟୋଜନ ହୋଇଥିଲେ । ସେମାନେ ବିଦ୍ୟୁତ ବିଲ୍ ସଂଗ୍ରହ କାର୍ଯ୍ୟରେ ଘରକୁ ଘର ଯାଇ ବିଦ୍ୟୁତବିଲ୍ ଗ୍ରାହକଙ୍କୁ ଦେଇ ଗ୍ରାହକଙ୍କ ଠାରୁ ବିଦ୍ୟୁତବିଲ ଦେୟ ଆଣି ମଧ୍ୟ ଅଫିସରେ ଦାଖଲ କରୁଥିଲେ । ଏହାଦ୍ୱାରା ସେମାନଙ୍କର ଏହି କ୍ଷେତ୍ରରେ ଏକ କର୍ମ ନିୟୋଜନର ପନ୍ଥାଭାବେ ଏକ ଭଲ ସୁଯୋଗ ମିଳିଥିଲା । ନିଜ ପରିବାରର ଗୁଜୁରାଣ ମେଣ୍ଟାଇବାରେ ମହିଳାମାନେ ନିଜକୁ ସହାୟକ ହୋଇ ଆସିଥିଲେ । ମହିଳାମାନେ ଏଥିରେ ନିୟୋଜିତ ହୋଇ ନିଜ ଘର କୁଟୁମ୍ବ ଚଳାଇ ଆସୁଥିଲେ । ଏବେ ଆଜି ଏ କ୍ଷେତ୍ରରେ ସେମାନଙ୍କର ଜୀବିକାରେ ବାଧକ ସାଜିଲା, ଟାଟା ପାୱାର କମ୍ପାନୀ । ନିୟୋଜିତ ସମସ୍ତ ମହିଳାଙ୍କୁ ବାହାର କରି ଟାଟା ପାୱାର କମ୍ପାନୀ ତା‘ର ନୂତନ ଲୋକଙ୍କୁ ନିଯୁକ୍ତି ଦେଇଛନ୍ତି । ଫଳରେ ଆତ୍ମ ନିର୍ଭରଶୀଳ ହୋଇଥିବା ଏସ.ଏଚ.ଜି. ଗୃପର ପ୍ରାୟ ଏକ ହଜାର ମହିଳା ଏବେ ପ୍ରତିବନ୍ଧକରେ ଶିକାର ହୋଇ ଜିଲ୍ଲାପ୍ରଶାସନ ଜରିଆରେ ରାଜ୍ୟ ମିଶନଶକ୍ତିର ମାନ୍ୟସ୍ପଦ ସୁଜାତା କାର୍ତ୍ତିକେୟନ ମ୍ୟାଡାମ ଏବଂ ରାଜ୍ୟ ପ୍ରଶାସନଙ୍କ ଦୃଷ୍ଟି ଆକର୍ଷଣ କରିଛନ୍ତି । ବିଳମ୍ବରେ ହେଲେ ମଧ୍ୟ ଏ ସମ୍ପର୍କରେ ପ୍ରଶାସନ ହୃଦୟଙ୍ଗମ କରି ମହିଳା ଏସ.ଏଚ.ଜି. ଗୃପଙ୍କୁ ଥଇଥାନ କରି ଗଞ୍ଜାମ ଜିଲ୍ଲାର ଜୀବିକା ମିଶନଙ୍କୁ ଉଜ୍ଜୀବିତ କରିବା ଆଶା କରାଯାଏ । ଏହା ନ ହେଲେ ସରକାରଙ୍କ ଏହି ମହତ୍ୱପୂର୍ଣ୍ଣ ଯୋଜନାରେ ବିରାଟ ଫାଟ ଦେଖାଯିବ । ଏହା ଆମ ସମାଜକୁ ଅତ୍ୟନ୍ତ ଲଜ୍ୟା ଓ ଅପମାନ ହେବ ବୋଲି ବିଭିନ୍ନ ମହଲରେ ଚର୍ଚ୍ଚା ହୋଇଛି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା