ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁର ସହରର ପରିଚିତ ଚେହେରା ତଥା ଖଲ୍ଲିକୋଟ କଲେଜର ତତ୍କାଳୀନ ସଭାପତି ଏବଂ କଂଗ୍ରେସ ଦଳର ଜଣେ ପୁରୁଣା ନେତା ନୀଳକଣ୍ଠ ମହାପାତ୍ରଙ୍କ ଆଜି ମୃତ୍ୟୁ ଘଟିଛି । ସୂଚନା ଯେ,୧୯୮୯-୯୦ ମସିହାରେ ସେ ଖଲ୍ଲିକୋଟ କଲେଜର ସଭାପତି ଥିଲେ । ବାସ୍କେଟ ବଲ ଖେଳି ସେ ସହରର ଏକ ପରିଚିତ ବ୍ୟକ୍ତିତ୍ୱ ହୋଇଯାଇଥିଲେ । ଖଲ୍ଲିକୋଟ କଲେଜ ଷ୍ଟାଡିଅମରେ ବାସ୍କେଟ ବଲ ଖେଳୁଥିବା ବେଳେ ଲୋକେ ତାଙ୍କୁ ବାଘ ବୋଲି ମଧ୍ୟ କହୁଥିଲେ । ସେ ଅନେକ ଥର ଜାତୀୟସ୍ତରରେ ମଧ୍ୟ ବାସ୍କେଟବଲ ଖେଳିଛନ୍ତି । ଏକ ସମ୍ରାନ୍ତ ଘରେ ଜନ୍ମ ହୋଇଥିଲେ ମଧ୍ୟ କୌଣସି ପରିସ୍ଥିତିରେ ସେ କିଛି ବର୍ଷ ପୂର୍ବେ ମାନସିକ ସ୍ତରରେ ଦୁର୍ବଳ ହୋଇଯାଇଥିଲେ । କିଛି ବର୍ଷ ପୂର୍ବେ ସେ ଏକ ନିଶ୍ଚିତ ଦୁର୍ଘଟଣାରୁ ବର୍ତ୍ତି ଯାଇଥିଲେ ମଧ୍ୟ ତାଙ୍କ ଗୋଡଟି ଭାଙ୍ଗି ଯାଇଥିଲା । ଏପରି ପରିସ୍ଥିତିରେ ସେ କିଛି ଦିନ ହେଲା ଜେନେନା ହସ୍ପିଟାଲ ରୋଡ଼ ସମ୍ମୁଖରେ ଥିବା ହେମ ଲଜ୍ଜରେ ସେ ଏକ ମାସ ଧରି ରହୁଥିଲେ । ଗତକାଲି ରାତିରୁ ସେ ଉକ୍ତ ଲଜ୍ଜରେ ଭିତର ପଟୁ କବାଟ ଦେଇ ଶୋଇଥିବା ବେଳେ ତାଙ୍କର ମୃତ୍ୟୁ ଘଟିଛି । ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ ଶବ ସେଠାରୁ ଜବତ କରିବ ବୋଲି କୁହାଯାଇଛି ।
