ଜଳେଶ୍ୱର (ସମୃଦ୍ଧ ଓଡିଶା) ଓଡିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା) ଜଳେଶ୍ୱର ଜୋନ୍ ପକ୍ଷରୁ ବ୍ଲକର ପୂର୍ଣ୍ଣ ଅନୁଦାନ ପ୍ରାପ୍ତ ବିଦ୍ୟାଳୟମାନଙ୍କରେ ଶୂନ୍ୟ ପଡିଥିବା ପଦବୀ ପୂରଣ ଲାଗି ଶୁକ୍ରବାର ବିଧାୟକ ଅଶ୍ୱନୀ ପାତ୍ରଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି । ୧୯୯୪ ମସିହାରୁ ଅନୁଦାନ ପ୍ରାପ୍ତ ହୋଇଥିବା ବିଦ୍ୟାଳୟ ମାନଙ୍କରେ ବହୁ ଶିକ୍ଷକ ପଦବୀ ଶୂନ୍ୟ ପଡିଥିବାରୁ ସେଠାରେ ଗୁଣାତ୍ମକ ଶିକ୍ଷାଦାନ ସମ୍ଭବ ହୋଇ ପାରୁନାହିଁ । ତେଣୁ ଯଥାଶୀଘ୍ର ଏହି ପଦବୀ ପୂରଣ ପାଇଁ ଆବଶ୍ୟକ ପଦକ୍ଷେପ ନେବାକୁ ସଂଘର ଜଳେଶ୍ୱର ଜୋନ୍ ସଂପାଦକ ଡ. ଅଜିତ୍ କୁମାର ମହାନ୍ତି ଓ ସଭାପତି ସୁନୀଲ କୁମାର ନାୟକ ବିଧାୟକଙ୍କୁ ଏକ ଦାବୀ ପତ୍ର ପ୍ରଦାନ କରିଛନ୍ତି ।
