ଭୁବନେଶ୍ୱର (ସମୃଦ୍ଧ ଓଡିଶା) ତରୋତ ପାୟତ ଦାମୋଦରପୁରସ୍ଥ ଅଲେଖ ମହିମା ଆଶ୍ରମରେ ବାବା ଅନ୍ତର୍ଯ୍ୟାମୀ ଦାସ ପିଲାଦିନରୁ ମହିମା ଧର୍ମରେ ଦୀକ୍ଷିତ ଥାଇ ଦୀର୍ଘ ୯୭ ବର୍ଷ ବୟସରେ ଦେହତ୍ୟାଗ କରିଥିଲେ । ତାଙ୍କ ସ୍ମୃତି ଉଦ୍ଦେଶ୍ୟରେ ଗତ ୨୩ ତାରିଖରେ ଆଶ୍ରମ ପରିସରରେ ଏକ ମହିମା ମେଳା ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ସାଧୁ ଧନେଶ୍ୱର ଦାସ ଏବଂ ଦାମୋଦରପୁର ଗ୍ରାମବାସୀଙ୍କ ମିଳିତ ଉଦ୍ୟମରେ ଏକ ନୂତନ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଥିଲା । ଏହି ପ୍ରତିଷ୍ଠା ଉତ୍ସବରେ ଅଲେଖ ଧର୍ମର ବହୁ ସାଧାସନ୍ଥମାନେ ଯୋଗ ଦେଇଥିଲେ । ପ୍ରାତଃ ୪ ଘଟିକାରେ ବ୍ରହ୍ମଧ୍ୱନୀ ସ୍ଥାପନ, ଅଖଣ୍ଡ ଜ୍ୟୋତି ପ୍ରଜ୍ଜ୍ୱଳନ ଏବଂ ସ୍ମୃତି ମନ୍ଦିର ପ୍ରତିଷ୍ଠା ଆରମ୍ଭ ହୋଇଥିଲା । ଅପରାହ୍ନ ୫ ଘଟିକାରେ ସାଧୁ ଭିକ୍ଷା କରାଯାଇ ସର୍ବ ଆତ୍ମା ସେବା କରାଯାଇଥିଲା । ଏଥିରେ ଆଖପାଖ ଗ୍ରାମରୁ ପ୍ରାୟ ୫ ହଜାର ଉର୍ଦ୍ଧ୍ୱ ଲୋକ ଯୋଗଦାନ କରି ପ୍ରସାଦ ସେବନ କରିବା ସହିତ ସାରା ରାତ୍ରି ଭଜନ ର୍କୀନ ଓ ପ୍ରବଚନ କାର୍ଯ୍ୟକ୍ରମକୁ ଉପଭୋଗ କରିଥିଲେ ।
ରିପୋର୍ଟ : ଆକାଶ ମିଶ୍ର