ଭଞ୍ଜନଗର (ସମୃଦ୍ଧ ଓଡିଶା) ବାଇକ ଦୁର୍ଘଟଣାରେ ଭଞ୍ଜନଗର ନିର୍ବାଚନ ମଣ୍ଡଳୀ ବିଜେପି ବିଧାୟକ ପ୍ରାଥୀ ପ୍ରଦୂନ୍ୟ କୁମାର ନାୟକ ଓ ତାଙ୍କ ସହଯୋଗୀ ଟିଟୁ ପ୍ରଧାନ ଗୁରୁତର ଭାବେ ଆହତ ହୋଇଛନ୍ତି । ମିଳିଥିବା ସୂଚନା ମୁତାବକ ଗତକାଲି ରାତି ପ୍ରାୟ ୯ଟା ସମୟରେ ଉଭୟ ୨ଜଣ ଯାକ ବାଇକ ଯୋଗେ ଜଗନ୍ନାଥପ୍ରସାଦରୁ ଭଞ୍ଜନଗର ଅଭିମୁଖେ ଆସୁଥିବା ବେଳେ ବେଲଗୁଣ୍ଠା ନିକଟସ୍ଥ ଉଢୁରା ଗ୍ରାମର ମୁଖ୍ୟ ରାସ୍ତା ଉପରେ ହଠାତ ଏକ ଗାଈ ସାମ୍ନାକୁ ଆସି ବାଇକ ସହ ଧକା ହେବାରୁ ଉଭୟ ରାସ୍ତା ଉପରେ ପଡ଼ିଯାଇ ଗୁରୁତର ଆହତ ହୋଇଥିଲେ । ସଂଗେ ସଂଗେ ସ୍ଥାନୀୟ ଲୋକମାନେ ଉଭୟଙ୍କୁ ଉଦ୍ଧାର କରି ଭଞ୍ଜନଗର ଉପଖଣ୍ଡ ମେଡିକାଲକୁ ପଠାଇଥିଲେ । ମେଡ଼ିକାଲ ରେ ଟିଟୁର ପ୍ରାଥମିକ ଚିକିତ୍ସା ପରେ ଡାକ୍ତର ତାକୁ ଘରକୁ ପଠାଇ ଦେଇଥିବା ବେଳେ ଶ୍ରୀ ନାୟକଙ୍କ ଗୋଡ଼ରେ ଗଭୀର ଆଘାତ ଲାଗିଥିବାରୁ ତାଙ୍କୁ ଭୁବନେଶ୍ୱର ମେଡିକାଲକୁ ସ୍ଥାନ।ନ୍ତର କରାଯାଇଥିବା ଜଣାପଡିଛି ।
ରିପୋର୍ଟ – ନିଲୁ ବିଷୋୟୀ