ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଳକ ଅନ୍ତର୍ଗତ ଉପାନ୍ତ ଗୋବରଘଟା ପଞ୍ଚାୟତର ଲୋକଙ୍କ ଦାବି, ପରିସ୍ଥିତିତକୁ ଲକ୍ଷରଖି ତଥା ନିର୍ବାଚନ ପ୍ରତିଶୃତି ରକ୍ଷା କରି ଆଜି ପଞ୍ଚାୟତ ପକ୍ଷରୁ ରାସ୍ତା ପାଶ୍ୱର୍ସ୍ଥ ନାଳ ଖୋଳିବା ସହିତ ସଫେଇ କାର୍ଯ୍ୟ ଆରମ୍ଭ କରାଯାଇଛି । ସରପଂଚ ମିନତୀ କରଙ୍କ ନେତୃତ୍ୱରେ ସମିତି ସଦସ୍ୟ ନଥୁରାମ ହେମ୍ବ୍ରମ, ସୂର୍ଯ୍ୟାନନ୍ଦ ପାଳ, ବିଶ୍ୱଜିତ୍ ପାଳ, ଅନନ୍ତ ଘୋଷ, ଚନ୍ଦନ କୁମାର କର, ଗୁନାଧର ପାଳ, ଗୌରାଙ୍ଗ ପାଳ, ବ୍ରଜେନ୍ଦ୍ର ପାଳ ପ୍ରମୁଖ ପଞ୍ଚାୟତର ବିଭିନ୍ନ ସ୍ଥାନ ପରିଷ୍କାର ପରିଚ୍ଛନ୍ନ କରିଯାଇଛି । ଆଗାମୀ ୬ଦିନ ଧରି ବିଭିନ୍ନ ସ୍ଥାନରେ ମେସିନ୍ ସାହାର୍ଯ୍ୟରେ ସଫେଇ କରାଯିବ ବୋଲି ଜଣାଯାଇଛି । ଫଳରେ ପଞ୍ଚାୟତବାସୀଙ୍କ ପକ୍ଷରୁ ଆନନ୍ଦ ପ୍ରକାଶ ପାଇଛି ।
ରିପୋର୍ଟ : ଭୂପତି ପରିଡା