ଭୁବନେଶ୍ଵର(ସମୃଦ୍ଧଓଡିଶା) ଆଜି ଯୁଗ୍ମଶ୍ରମ ଆୟୁକ୍ତ, କାର୍ଯ୍ୟାଳୟ, ଭୁବନେଶ୍ୱର ଦ୍ଵାରା ପରିଚାଳିତ, ନିର୍ମାଣ ଶ୍ରମିକ କଲ୍ୟାଣ ଯୋଜନାରେ ଭୁବନେଶ୍ୱର ମହାନଗର ନିଗମ, ବାଲିଅନ୍ତା ଓ ବାଲି ପାଟଣା ବ୍ଲକ ଅଧିନରେ ପଞ୍ଜୀକୃତ ନିର୍ମାଣ ଶ୍ରମିକ ମାନଙ୍କ ପାଇଁ ଏକ ସହାୟତା ଶିବିର ଗୀତ ଗୋବିନ୍ଦ ସଦନ , ଭୁବନେଶ୍ୱର ଠାରେ ଅନୁଷ୍ଠିତ ହୋଇ ଯାଇଛି। ଏହି ଶିବିରରେ ଓଡ଼ିଶା କୋଠାବାଡ଼ି ଓ ଅନ୍ୟାନ୍ୟ ନିର୍ମାଣ ଶ୍ରମିକ କଲ୍ୟାଣ ବୋର୍ଡର ଅଧ୍ୟକ୍ଷା, ଶ୍ରୀମତୀ ଶ୍ରୀମୟୀ ଶ୍ଵେତା ସ୍ନିଗ୍ଧାମିଶ୍ର, ମୁଖ୍ୟ ଅତିଥି ଭାବେ ଯୋଗ ଦେଇ କହିଥିଲେ । ଅନ୍ୟ ରାଜ୍ୟରୁ ସାମ୍ବାଦିକ ଭାଇମାନେ ଆସୁଥିଲେ ଶିଶୁ ମୃତ୍ୟୁ ଓ ମାତୃ ମୃତ୍ୟୁର ଫଟୋ ନେବାକୁ ମାତ୍ର, ବର୍ତ୍ତମାନ ଆମ ରାଜ୍ୟ ଓ ଖାଦ୍ୟ ଶସ୍ୟ ଉତ୍ପାଦନରେ ବିଶ୍ଵ ସ୍ତରରେ ୩ୟ ସ୍ଥାନରେ ରହିଛି । ଏହା ହେଉଛି ମୁଖ୍ୟମନ୍ତ୍ରୀଙ୍କ ସୁଶାସନ । ଏଥି ପାଇଁ ତ ସବୁବେଳେ ସେ ଗୋଟିଏ ପ୍ରଶ୍ନ କରନ୍ତି ଆପଣ ମାନେ ଖୁସିତ ? ଆମ ମୁଖିଆ ସବୁବେଳେ ଆପଣ ମାନଙ୍କ ମୂହରେ ଖୁସି ଦେଖିବାକୁ ଚେଷ୍ଟା କରନ୍ତି । ଆଜି ଯେଉଁ ଭାଇ ଓ ଭଉଣୀମାନେ ଯେଉଁ ସହାୟତା ପାଇଲେ, ତାକୁ ଠିକ କାମରେ ଲଗାଇବେ ବୋଲି ମୋର ଆଶା । ସମ୍ମାନିତ ଅତିଥି ଭାବେ ଭୁବନେଶ୍ଵର ମଧ୍ୟ ବିଧାୟକ, ଶ୍ରୀଅନନ୍ତ ନାରାୟଣ ଜେନା, ଭୁବନେଶ୍ୱର ମହାନଗର ନିଗମର ମେୟର ଶ୍ରୀମତୀ ସୁଲୋଚନା ଦାସ ଏବଂ ବାଲିଅନ୍ତା ଓ ବାଲିପାଟଣା ବ୍ଲକ ଅଧ୍ୟକ୍ଷ, ଜିଲ୍ଲା ପରିଷଦ ମେମ୍ବର ଉପସ୍ଥିତ ରହି ନିମ୍ନଲିଖିତ ସହାୟତା ରାଶି ପ୍ରଦାନ କରିଥିଲେ । ଏହି ଶିବିରରେ ମୃତ୍ୟୁ କାଳୀନ ସହାୟତା ୪୮ଜଣଙ୍କୁ ୯୪,୦୦,୦୦୦/- ଟଙ୍କା, ଅନ୍ତ୍ୟେଷ୍ଟି କ୍ରିୟା ସହାୟତା ୨୯ ଜଣଙ୍କୁ ୧,୪୫,୦୦୦/- ଟଙ୍କା, ବିବାହ କାଳୀନ ସହାୟତା ୩୪ଜଣଙ୍କୁ ଟ୧୫,୨୫,୦୦୦/- ଙ୍କା, ଶିକ୍ଷା ସହାୟତା ୧୦ ଜଣଙ୍କୁ ୨,୦୧,୦୦୦/- ଟଙ୍କା, ପ୍ରସବ କାଳୀନ ସହାୟତା -୬ଜଣଙ୍କୁ- ୬୦,୦୦୦/ ଟଙ୍କା ସର୍ବ ମୋଟ ୧୨୭ ଜଣଙ୍କୁ ୧,୧୩,୩୧,୦୦୦/- ଟଙ୍କାର ସହାୟତା ରାଶି ପ୍ରଦାନ କରା ଯାଇଥିଲା । ଏହି ଶିବିରରେ ନୂତନ ପଞ୍ଜିକରଣ -୨୩୨ଜଣଙ୍କୁ କାର୍ଡ ପ୍ରଦାନ କରାଯାଇଥିଲା । ଏତଦ୍ ବ୍ୟତୀତ ଏହି ଶିବିରରେ ବିଭିନ୍ନ ୱାର୍ଡର କର୍ପୋରେଟର, ବିଭାଗର ଅନ୍ୟାନ୍ୟ ପଦାଧିକାରୀ, ଅଧିକାରୀ, କର୍ମଚାରେ ଉପସ୍ଥିତ ଥିଲେ । ଏହି ଶିବିରରେ ସହକାରୀ ଶ୍ରମ ଅଧିକାରୀ ସୌମ୍ୟା ରଞ୍ଜିତା ଦଳାଇ ଶ୍ରମିକ ମାନଙ୍କୁ ସ୍କିମ ବିଷୟରେ ଅବଗତ କରାଇ ଥିଲେ।ସହକାରୀ ଶ୍ରମ ଅଧିକାରୀ ଶ୍ରୀକାଳି ପୁତ୍ର କୁଲ ଦୀପ ପ୍ରସାଦ, ବିକାଶ ଅଗ୍ରୱାଲ, ଅର୍ଚ୍ଚନା ନାୟକ, ପ୍ରଜ୍ଞା ନାୟକ ସହିତ କଲ୍ୟାଣ ସଂଯୋଜକ ଲମ୍ବୋଦର ରାଉତ ଓ ଡାଟା ଏଣ୍ଟ୍ରିଅପରେଟର ଶିବ ପ୍ରସାଦ ମହାପାତ୍ର ହିତାଧିକାରୀଙ୍କ ସହାୟତା ବଣ୍ଟନରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଏହି କାର୍ଯ୍ୟକ୍ରମକୁ ଭାରପ୍ରାପ୍ତ ଜିଲ୍ଲା ଶ୍ରମ ଅଧିକାରୀ ଶ୍ରୀ ପ୍ରଭାକର ବିଶ୍ଵାଳ ସଂଚାଳନ କରିଥିବା ବେଳେ ଶ୍ରମ ଅଧିକାରୀ ଦେବଶ୍ରୀ ବେହେରା ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ରଜତ ମହାପାତ୍ର