ଜଳେଶ୍ୱର (ସମୃଦ୍ଧ ଓଡିଶା) ସୁବର୍ଣ୍ଣରେଖା ନଦୀର ବିଭିନ୍ନ ସୈରାତ, ରିଭରବ୍ଲକ ଅଂଚଳରୁ ଗତକିଛିବର୍ଷ ଧରି ବ୍ୟାପକ ବେଆଇନ୍ ବେଧଡକ ବାଲି ଉତ୍ତୋଳନ ହେଉଥିବା ବେଳେ ଏବେ କେତେକ ବାଲିମାଫିଆଙ୍କ ସ୍ଥିତିବାନ ଜମିରେ ଥିବା ବାଲି ଉପରେ ଲୁଲୁପ ଦୃଷ୍ଟି ପଡିଛି । ଏଥିନେଇ ଜଳେଶ୍ୱର ଥାନା ଓ ତହସିଲରେ ଅଭିଯୋଗ ହୋଇଥିବା ଜଣାଯାଇଛି । ଚାଲନ୍ତି ଗାଁର ନାରାୟଣ ଚନ୍ଦ୍ର ଧଳ ଓ ଜନ୍ମେଜୟ ମଣ୍ଡଳ ସେମାନଙ୍କ ସ୍ଥିତିବାନ ଜମିରୁ ଗତ ୨୧ତାରିଖ ରାତିରେ ବାଲି ଉତ୍ତୋଳନ କରାଯାଇଥିବାରେ ଅଭିଯୋଗ ହୋଇଛି । ରବିବାର ରାତି ୧୦ଟାରେ ଚାଲନ୍ତି ଗାଁର ଖାତା ନଂ ୨୯୧ ଖସଡା ୨୦୪୦, ୨୦୪୧, ୨୦୪୨ ଓ ୨୦୪୩ରୁ ସୁବାଷ ପ୍ରମାଣିକ (ମୁନା) ଓ ତାର ୬ଜଣ ସାଥି ନମ୍ବର ବିହିନ ଟ୍ରାକ୍ଟରରେ ଜବର୍ଦସ୍ତ ବାଲି ଉତ୍ତୋଳନ କରୁଥିବାରୁ ଜମିମାଲିକ ନାରାୟଣ ଚନ୍ଦ୍ର ଧଳ ବିରୋଧ କରିଥିଲେ । ସୁବାଷ ପ୍ରମାଣିକ ଓ ତାଙ୍କ ସାଥି ଅଶ୍ଳୀଳ ଭାଷା ପ୍ରୟୋଗ ସହିତ ଗାଳିଗୁଲଜ କରିଥିବାର ସେ ଥାନାରେ ଅଭିଯୋଗ କରିଛନ୍ତି । ସେହିପରି ସେହି ଗାଁର ଜନ୍ମେଜୟ ମଣ୍ଡଳ ପ୍ଲଟ ନଂ୨୦୩୧, ୨୨୨୮, ୨୦୨୭ରୁ ସୁଦର୍ଶନ ପ୍ରମାଣିକ ବେଆଇନ୍ଭାବେ ବାଲି ଉଠାଇ ନିକଟସ୍ଥ ଏକ ସରକାରୀ ସ୍ଥାନରେ ମହଜୁଦ କରିଛନ୍ତି । ଏ ସଂପର୍କରେ ଥାନାରେ ଅଭିଯୋଗ ହୋଇଛି ।
ରିପୋର୍ଟ : ଭୂପତି କୁମାର ପରିଡା