ଛତ୍ରପୁର (ସମୃଦ୍ଧ ଓଡିଶା) ଭାରତୀୟ ବିରଳ ମୃତ୍ତିକା ଆଇଆରଇଏଲ ଓସକମ ତରଫରୁ ଗୋଷ୍ଠୀଗତ ସାମାଜିକ ଦାୟିତ୍ଵ ଆନୁକୁଲ୍ୟରେ ବୁଧବାର ଦିନ ପୋଡାପଦର ପଞ୍ଚାୟତର କୁମାରବେଗ ପଲ୍ଲୀ ଗ୍ରାମର ଉଚ୍ଚପ୍ରାଥମିକ ବିଦ୍ୟାଳୟରେ ପଞ୍ଚାୟତବାସୀ ସକାଶେ ଏକ ମାଗଣା ସ୍ଵାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି l ଏହି ସ୍ୱାସ୍ଥ୍ୟ ଶିବିରରେ ସରକାରଙ୍କ ଦ୍ଵାରା ଜାରୀ କୋବିଡ-୧୯ ନିୟମ ମୁତାବକ ପରିସରକୁ ବିଶୋଧନ କରାଯାଇଥିଲା l ଏଥିରେ ୩୧୦ ଜଣଙ୍କ ସ୍ୱାସ୍ଥ୍ୟ ପରୀକ୍ଷା କରି ଆବଶ୍ୟକ ଔଷଧ ପ୍ରଦାନ କରିବା ସହ ମାସ୍କ ଏବଂ ସାନିଟାଇଜ ସାମଗ୍ରୀ ପ୍ରଦାନ କରାଯାଇଥିଲା l ପୃଷ୍ଟି ସାଧନ ନିମନ୍ତେ ପ୍ରତ୍ୟେକଙ୍କୁ ଏକ କିଲୋ ଏପଲ ସହ କ୍ଷୀର ପକେଟ ବଣ୍ଟନ କରାଯାଇଥିଲା ଏହି ଶିବିରରେ ଡାକ୍ତର ଅର୍ଦ୍ଧେନ୍ଦୁ ପାଲ, ଡାକ୍ତର ପ୍ରମିଳା ମିଶ୍ରଙ୍କ, ଫର୍ମାସିଷ୍ଟ ଆର.କେ.ପାତ୍ର, ଟି.ଏଚ.ଆଚାର୍ଯ୍ୟ, କେ.ସି.ପ୍ରଧାନ ଓ ଠିକା ଷ୍ଟାଫ ନର୍ସ ଶ୍ରୀମତୀ ଗୀତାଞ୍ଜଳି ପହି, ସସ୍ମିତା ନାୟକ ପ୍ରମୁଖ ସହଯୋଗ କରିଥିଲେ । ସମ୍ବଳ ବିଭାଗ, କମାଣ୍ଡର ଆଶିଷ କୁଳଶ୍ରେଷ୍ଠ ଶ୍ୟାମ ସୁନ୍ଦର ମଲ୍ଲିକ ଏବଂ ପ୍ରଭାତ କୁମାର ରାଉତ ପ୍ରମୁଖ ଯୋଗ ଦେଇଥିଲେ । ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା ଏବଂ ବ୍ଲକ ଅଧ୍ୟକ୍ଷ ଏନ. ଧନଞ୍ଜୟ ରେଡ୍ଡୀ ପ୍ରମୁଖ ପରିଦର୍ଶନରେ ଆସିଥିଲେ । ସମ୍ବଳ ବିଭାଗ ତରଫରୁ ଦୀପକ ମିଶ୍ର, ମନୋଜ ନାୟକ, ସୁରେଶ ଚନ୍ଦ୍ର ପାତ୍ର, ସୃଜନ ପଣ୍ଡା, ଅଜୟ କୁମାର ବେହେରା ସ୍ୱାସ୍ଥ୍ୟ ଶିବିରକୁ ପରିଚାଳନାରେ ସହଯୋଗ କରିଥିଲେ ।
