ଭଞ୍ଜନଗର (ସମୃଦ୍ଧ ଓଡିଶା) କିଛି ଦିନ ତଳେ ବାପାଙ୍କ ଦୋକାନରେ ସ୍ୱୟଂ ଚାଳିତ ସାନିଟାଇଜ ମଶିନ ପ୍ରସ୍ତୁତ କରି ଚର୍ଚ୍ଚାକୁ ଆସିଥିବା ଭଞ୍ଜନଗର ଖାଲାସି ସାହିର ଏସ.ଵିଶାଲ୍ ଚୌଧୁରୀ ବର୍ତ୍ତମାନ ପୁଣି ଚର୍ଚ୍ଚାର ପରିସରକୁ ଆସିଛନ୍ତି । ଆଜି ସେ ୩ଟି ସ୍ୱୟଂଚାଳିତ ସାନିଟାଇଜ ମଶିନ ପ୍ରସ୍ତୁତ କରି ବ୍ଲକ ଅଫିସ, ଉପଜିଲ୍ଲାପାଳଙ୍କ କାଯ୍ୟାଳୟ ଓ ତହସିଲଦାରଙ୍କ କାଯ୍ୟାଳୟ ରେ ଲଗାଇଛନ୍ତି । ଦିନ ୧୧ଟା ସମୟରେ ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜଙ୍କୁ ଭେଟି ସେ ଏହି ସାନିଟାଇଜ ମଶିନ ଟି ପ୍ରଦାନ କରିବା ସହିତ କାଯ୍ୟାଳୟ ରେ ଲଗାଇଛନ୍ତି । ଏହି ମଶିନର ଵିଶେଷ୍ୟତ ହେଉଛି ମଶିନରେ ଲାଗିଥିବା ସେନ୍ସର ଦ୍ଵାରା ଜଣେ ସ୍ୱୟଂଚାଳିତ ମଶିନକୁ ହାତ ନ ଦେଇ ଅଟୋମେଟିକ ହାତକୁ ସାନିଟାଇଜ କରିପାରିବ । ଏ ନେଇ ଵିଶାଲ୍ କହିଛନ୍ତି ଯେ କୋରନା ମାହାମରୀ ସମୟରେ ପ୍ରଶାସନିକ ଅଧିକାରୀଙ୍କ ଅଫିସକୁ ବହୁ ସଂଖ୍ୟକ ଲୋକ ଆସୁଛନ୍ତି । ଯାହା ଫଳରେ ସଂକ୍ରମଣ ହେବାର ସମ୍ଭାବନା ରହିଛି ତେଣୁ ସେ ୩ ପ୍ରଶାସନିକ ଅଧିକାରୀଙ୍କ କାଯ୍ୟାଳୟରେ ଏହି ମଶିନ ପ୍ରସ୍ତୁତ କରି ଲଗାଇବାକୁ ମନସ୍ତ କରିଥିଲେ । ଏଥିରେ ତାଙ୍କ ପରିବାର ଲୋକେଙ୍କ ସହ ତାଙ୍କ ସାନ ଭାଇ ସମ୍ପୂର୍ଣ୍ଣ ସହଯୋଗ କରିଥିଲେ । ଵିଶାଲଙ୍କ ଏହି ଭଳି ମହାନ କାଯ୍ୟକୁ ସ୍ଥାନୀୟ ପ୍ରଶାସନ, ଜନସାଧାରଣ ଓ ବୃଦ୍ଧିଜୀବୀ ମହଲରେ ପ୍ରଶଂସା କରାଯାଇଛି ।
ରିପୋର୍ଟ – ନିଲୁ ବିଷୋୟୀ