ପୋଲସରା (ସମୃଦ୍ଧ ଓଡିଶା) ପୋଲସରାର “ସମାଜ” ପତ୍ରିକାର ପ୍ରତିନିଧି ବରିଷ୍ଠ ସାମ୍ବାଦିକ କିଶୋର ଚନ୍ଦ୍ର ଦାଶ(ବାପି) ୬୧ ବର୍ଷ ବୟସରେ ଶିତଳାପଲ୍ଲୀ ଟାଟା କୋଭିଡ ହସପିଟାଲରେ ଚିକିତ୍ସାଧୀନ ଅବସ୍ଥାରେ ମଇ ୧୦ ତାରିଖ ଭୋର ସାଢ଼େ ଦୁଇଟା ସମୟରେ ଆରପାରିକୁ ଚାଲିଯାଇଛନ୍ତି । ଗତ ଏପ୍ରିଲ ୨୯ ତାରିଖ ଦିନ କିଶୋର ବାବୁଙ୍କ କୋଭିଡ ଟେଷ୍ଟ ହୋଇଥିଲା । ମଇ ୩ ତାରିଖ ଦିନ ସ୍ୱାସ୍ଥ୍ୟ ଖରାପ ଯୋଗୁଁ ପୋଲସରା ମେଡ଼ିକାଲକୁ ଚିକିତ୍ସା ପାଇଁ ନେଇଥିଲେ । ସେଠାରେ ଡାକ୍ତର ପରୀକ୍ଷା ପରେ ଅମ୍ଳଜାନ ସ୍ତର କମ୍ ଥିବାଯୋଗୁଁ ଅମ୍ଳଜାନ ଦିଆଯାଇଥିଲେ ମଧ୍ୟ ଅମ୍ଳଜାନ ସ୍ତର ବୃଦ୍ଧି ପାଇନଥିବା ବେଳେ ସେହିଦିନ ରିପୋର୍ଟ ପଜିଟିଭି ଆସିଥିଲା । ଡାକ୍ତରଙ୍କ ପରାମର୍ଶ କ୍ରମେ କିଶୋର ଚନ୍ଦ୍ର ଦାଶଙ୍କୁ ଶିତଳାପଲ୍ଲୀ ଟାଟା କୋଭିଡ ହସପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମଇ ୧୦ ତାରିଖ ଭୋର ସାଢ଼େ ଦୁଇଟା ସମୟରେ ମୃତ୍ୟୁ ହୋଇଥିଲା । ସ୍ୱର୍ଗତ ଦାଶଙ୍କ ଦେହାନ୍ତରେ ଅଞ୍ଚଳରେ ଶୋକର ଛାୟା ଖେଳିଯାଇଛି ।
