ଦିଗପହଣ୍ଡି (ସମୃଦ୍ଧ ଓଡିଶା) ବ୍ରହ୍ମପୁର ନୀଳାଦ୍ରିବିହାରସ୍ଥିତ ଗାୟତ୍ରୀ ଶକ୍ତିପୀଠରେ ସଂଜୀବନୀ ସାଧନା ଚବିଶି କୁଣ୍ଡୀୟ ଗାୟତ୍ରୀ ମହାଯଜ୍ଞର ପୂର୍ବପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଆଗାମୀ ନଭେମ୍ବର ୯ ଠାରୁ ୧୨ ପର୍ଯ୍ୟନ୍ତ ହେବାକୁଥିବା ସଂଜୀବନୀ ସାଧନା ୨୪ କୁଣ୍ଡୀୟ ଗାୟତ୍ରୀ ମହାଯଜ୍ଞ ଓ ପ୍ରଜ୍ଞାପୁରାଣ କଥା ପ୍ରବଚନ କାର୍ଯ୍ୟକ୍ରମର ଆଲୋଚନା କରାଯାଇଥିଲା । ଏହାସହ କାର୍ଯ୍ୟକ୍ରମକୁ ଶୃଙ୍ଖଳାର ସହିତ ସମ୍ପର୍ଣ୍ଣ କରିବା ପାଇଁ ୬୦ ଜଣ ପ୍ରମୁଖ କାର୍ଯ୍ୟକର୍ତ୍ତାଙ୍କୁ ନେଇ ୬ ଗୋଟି ସମିତି ଗଠନ କରାଯାଇଥିଲା । ପ୍ରତ୍ୟେକ ସମିତି ଗୁଡିକୁ ସେମାନଙ୍କ କାର୍ଯ୍ୟଭାର ଦାୟିତ୍ୱ ବଣ୍ଟନ କରାଯାଇଥିଲା । ଆଗାମୀ ବୈଠକରେ ପ୍ରତ୍ୟେକ ସମିତି ଗୁଡିକୁ କୋଡିଏ ସ୍ୱୟଂସେବକ ଯୋଗାଇ ଦିଆଯିବା ସକାଶେ ସହାୟକ ପ୍ରବନ୍ଧକ ପ୍ରଫୁଲ୍ଲ ଦାଶ ଘୋଷଣା କରିଥିଲେ । ଉକ୍ତ ବୈଠକରେ ସୁଧୀର ସାବତ, ପ୍ରଫେସର ପ୍ରଫୁଲ୍ଲ ସାବତ ଅବସରପ୍ରାପ୍ତ ପୋଲିସ ଇନ୍ସପେକଟର କୁଞ୍ଜବିହାରୀ ପଟ୍ଟନାୟକ, ଡାକ୍ତର ସୁଶୀଲ ପଟ୍ଟନାୟକ, କେ. ଗୋବିନ୍ଦ, କୃଷ୍ଣ କେଶବ ପ୍ରଧାନ, ଜଗତବନ୍ଧୁ ପଣ୍ଡା, ପ୍ରଣବ ପଣ୍ଡା, ସୁଜାତା ପେଟଟନାୟକ, ସବିତା ସାହୁକାର ଦୀପ୍ତିମୟୀ ଦେଵୀ ରିତାରାଣୀ ସାହୁ ଆଦି ପ୍ରମୁଖ କାର୍ଯ୍ୟକର୍ତ୍ତା ଯୋଗ ଦେଇଥିଲେ । ବୈଠକ ଶେଷରେ ଜୟକିଶୋର ପଣ୍ଡା ଓ ସନ୍ତୋଷିନୀ ଶାନ୍ତିପାଠ କରି ବୈଠକ ସମାପ୍ତ କରିଥିଲେ ।
ରିପୋର୍ଟ : ଦକ୍ଷିଣାଞ୍ଚଳ ବ୍ୟୁରୋ ଚିଫ ନିମାଇଁ ଚରଣ ପଣ୍ଡା