ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁର ବିଶ୍ଵବିଦ୍ୟାଳୟର ପ୍ରତିଷ୍ଠା ଦିବସ ପାଇଁ ବିଶ୍ୱବିଦ୍ୟାଳୟ ଅଧୀନରେ ଥିବା ସମସ୍ତ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ନେଇ ଅନ୍ତଃ ମହାବିଦ୍ୟାଳୟ ଓଡ଼ିଆ ବକ୍ତୃତା ପ୍ରତିଯୋଗିତା ଆୟୋଜିତ ହୋଇଯାଇଛି । ଆଜି ୨ୟ ଦିବସରେ “ବିଶ୍ୱବିଦ୍ୟାଳୟ ଶିକ୍ଷାରେ ସଂସ୍କାର ନ ଆସିଲେ ଜାତୀୟ ବିକାଶ ଅସମ୍ଭବ” ଶୀର୍ଷକ ବକ୍ତୃତା ପ୍ରତିଯୋଗିତା ଆୟୋଜିତ ହୋଇଥିଲା । ୧୨ଟି ମହାବିଦ୍ୟାଳୟ ସମେତ ବିଶ୍ଵବିଦ୍ୟାଳୟର ବିଭିନ୍ନ ବିଭାଗରୁ ୩୫ ଜଣ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ।ଏହି ପ୍ରତିଯୋଗିତାରେ ଡ଼.ଦାଶରଥି ଭୂୟାଁ, ଡ଼.ଦେବୀପ୍ରସାଦ ଶତପଥି ଓ ଦିପ୍ତିମୟୀ ମିଶ୍ର ପ୍ରମୁଖ ଅଧ୍ୟାପକ ଅଧ୍ୟାପିକା ବିଚାରକ ଭାବେ ଯୋଗ ଦେଇଥିଲେ । ଜୟେନ୍ଦ୍ର ବେହେରା(ରାଜନୀତି ବିଜ୍ଞାନ) ୧ମ, ରତିକାନ୍ତ ବେହେରା(ସାମ୍ବାଦିକତା ଓ ଗଣଯୋଗାଯୋଗ ବିଭାଗ)୨ୟ, ଓ ରୋଜାଲିନ ପରିଡ଼ା(ରସାୟନ ବିଜ୍ଞାନ)୩ ୟ ସ୍ଥାନ ଗ୍ରହଣ କରିଛନ୍ତି । କୁଳ ସଚିବ ସରୋଜ କୁମାର ଦାସ, ଦେବୀପ୍ରସାଦ ଦାସ, ଡ଼.ମିହିର ତ୍ରିପାଠୀ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଗତକାଲି କୁଳାଧିପତି କପ୍ ପାଇଁ ଇଂରାଜୀ ବତ୍କୃତ ପ୍ରତିଯୋଗିତା ଆୟୋଜିତ ହୋଇଥିଲା । ବିଚାରକ ଭାବରେ ପ୍ରଫେସର ନିହାର ରଞ୍ଜନ ମିଶ୍ର, ଡ଼. ଟି. ଈଶ୍ବର ରାଓ, ଡ଼.ବନ୍ଦିତା ପଣ୍ଡା ଉପସ୍ଥିତ ଥିଲେ । ଏଥିରେ ଯୋଗ ଦେଇଥିବା ପ୍ରତିଯୋଗୀ ମାନକ ମଧ୍ୟରୁ ପ୍ରିତିସ୍ମିତା ମହାନ୍ତି ୧ ମ, ଆଲୋକ କୁମାର ସାହୁ ଓ ପ୍ରଶାନ୍ତ କୁମାର ସାହୁ ୨ୟ, ଦୀପ୍ତିମୟୀ ରଥ, ବି.ଗାୟତ୍ରୀ ଓ ଶୁଭଶ୍ରୀ ରାଉତ ୩ୟ ସ୍ଥାନ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
