ବ୍ରହ୍ମପୁର(ସମୃଦ୍ଧଓଡିଶା)ଶୁକ୍ରବାର ଶ୍ରୀରାମଚନ୍ଦ୍ରପୁର ପଞ୍ଚାୟତ ଆଗ୍ରାହାରମ ଗ୍ରାମ ନିକଟସ୍ଥ ସ୍ବପ୍ନେଶ୍ବର ମନ୍ଦିର ପ୍ରାଙ୍ଗଣରେ ଏସ୍ ଲାଛମେୟା ରେଡି ଙ୍କ ଅଧ୍ୟକ୍ଷତାରେ ଆଗ୍ରାହାରମ କିଆଫୁଲ କିମିଟି ପକ୍ଷରୁ ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ମୁଖ୍ୟତଃ କିଆଫୁଲର ନୁତନ ଦର ଧାର୍ଯ୍ୟ ଓ କିଆଫୁଲ ସଂପର୍କୀତ ଅନ୍ୟାନ୍ୟ ଆନୁସାଙ୍ଗିକ ସମସ୍ୟା ନେଇ ଆଲୋଚନା ହୋଇଥିଲା । ଏଥିରେ ବିଭନ୍ନ ଗ୍ରାମର ଗ୍ରାମ୍ୟ କମିଟି , ମଧ୍ୟସ୍ଥି ବ୍ୟବସାୟୀ, କିଆଫୁଲ ଚାଷୀ ଓ ଭାଟି ମାଲିକ ମାନଙ୍କୁ ନେଇ ଏକ ସରଗରମ ଆଲୋଚନା ହୋଇଥିଲ ବହୁ ବାଦବିବାଦ ପରେ ଚାଷୀଙ୍କ ଦାବିକୁ ଅଗ୍ରଅଧିକାର ଦେଇ କମିଟି କିଆଫୁଲ ର ନୁତନ ଦର ଧାର୍ଯ୍ୟ କରିଥିଲେ କିଆଫୁଲ ପିଛା ୧୨ ଟଙ୍କାରୁ ବୃଦ୍ଧି କରି ୨୦ ଟଙ୍କାକୁ ବୃଦ୍ଧି କରାଯାଇଥିଲା ବୋଲି କମିଟି ସମ୍ମତି ପ୍ରକାଶ କରିଛି । ଏହି ବୈଠକରେ ସଭାପତି ଅମର ବେହେରା, ଉପସଭାପତି ବି .ଗୈରେୟା ପାତ୍ର, ସଂପାଦକ ନିରଞ୍ଜନ ପ୍ରଧାନ, କୋଷାଧ୍ୟକ୍ଷ କେ. କୁସୁମା ରାଓ , ଚାଷୀ ଏମ୍. ଚେହ୍ନେୟା , ବି. ଜାଗା ରାଓ, ବି. ମୋହନା ପାତ୍ର, ଡି. କ୍ରୀଷ୍ଣା ରାଓ, ଏସ୍. ମାଙ୍ଗଲେୟା , ବି. ଧର୍ମା ପାତ୍ର, ପି . କେଷା ରାଓ ଓ ପି. ଗୋବିନ୍ଦା ରାଓ ପ୍ରମୁଖ ଉପସ୍ଥିତ ରହି ବୈଠକରେ ଅଂଶଗ୍ରହଣ କରିଥିଲେ।
ରିପୋର୍ଟ : ରଜତ ପଟ୍ଟନାୟକ