Breaking News

କିଛି ଅମାନିଆଙ୍କ ଦୋକାନକୁ ସିଲ କଲା ଢେଙ୍କାନାଳ ପୌରପାଳିକା…

ଢେଙ୍କାନାଳ (ସମୃଦ୍ଧ ଓଡିଶା) ଦିନକୁ ଦିନ କରୋନା ତାର କାୟା ବିସ୍ତାର କରୁଥିବା ସମୟରେ ସରକାର ଏହିକରୋନା ଦାଉରୁ ଲୋକମାନଙ୍କୁ ରକ୍ଷା କରିବା ପାଇଁ ଲକଡାଉନକୁ ଆଗକୁ ବଢ଼ାଇ ଚାଲିଛନ୍ତି । ଲୋକମାନେ କିଭଳି ଭାବେ ଘରେ ରହିବେ ଏବଂ ସୁରକ୍ଷିତ ରହିବେ ସେଥିପାଇଁ ସରକାର ସମସ୍ତ ଚେଷ୍ଟା ଅବ୍ୟାହତ ରଖିଛନ୍ତି । ବର୍ତମାନ ଅତିଆବଶ୍ୟକ ସାମଗ୍ରୀ ଯଥା ପରିବା ଦୋକାନ, ଗ୍ରୋଶରୀ ଦୋକାନ, ମେଡ଼ିସିନ ଦୋକାନ ଭଳି କିଛି ଦୋକାନକୁ ଛାଡିଦେଲେ ସମସ୍ତ ଦୋକାନ ବଜାରକୁ ବନ୍ଦ ରଖିବାକୁ ସରକାରଙ୍କ ତରଫରୁ ଦୃଢ଼ ଭାବେ ନିର୍ଦେଶ ଦିଆଯାଇଥିବା ବେଳେ କୋଭିଡ ନିୟମକୁ ଖାତିରି ନ କରି କିଛି ଅମାନିଆ ଦୋକାନୀ ଦୋକାନ ଖୋଲି ନିଜର ବ୍ୟବସାୟ ଚଳାଇଛନ୍ତି । ଯାହାଦ୍ୱାରା କି ବଜାରରେ ଲୋକ ଗହଳି ହେବା ସହ କରୋନା ବୃଦ୍ଧି ପାଇବାରେ ଯଥେଷ୍ଟ ସମ୍ଭାବନା ସୃଷ୍ଟି କରୁଛି । ତେଣୁ ଏହି ଅମାନୀୟାମାନଙ୍କୁ ସାବାଡ଼ କରିବା ପାଇଁ ଆଜି ଢେଙ୍କାନାଳର ପୌରପାଳିକା ତରଫରୁ ଅନେକ ଦୋକାନକୁ ଜବତ କରିବା ସହ ସିଲ ମଧ୍ୟ କରାଯାଇଥିଲା । ସେମାନଙ୍କ ମଧ୍ୟରେ ଲକ୍ଷ୍ମୀ ବଜାରର ପତ୍ର ଜୋତା ଦୋକାନ, ମିନାବଜାରର ଆଦିତ୍ୟ ଅଳଙ୍କାର, ମହାବୀର ବଜାରର ଶ୍ରୀ ଗଣେଶ ଡ୍ରେସ ଦୋକାନ, ମହାବୀର ବଜାରର ସାଗର ଶାଢ଼ୀ ସେଣ୍ଟର, ଦଖିଣକାଳୀର ଏମବିଟି ଡ୍ରେସ ଗୋଦାମ ଆଦି ଦୋକାନକୁ ସିଲ କରାଯାଇଥିବା ଜଣାପଡିଛି । ଆଜିର ଏହି ସିଲ ପ୍ରକ୍ରିୟା ପୋୖରାନିର୍ବାହୀ ଅଧିକାରୀଙ୍କ ପ୍ରତ୍ୟକ୍ଷ ତତ୍ତ୍ୱବୋଧାନରେ ଅନ୍ୟ ପୌରପାଳିକାର କର୍ମଚାରୀମାନେ ଅଂଶ ଗ୍ରହଣ କରିଥିଲେ ।

Leave a Reply

Your email address will not be published. Required fields are marked *

Please Visit to http://www.specialopinion.in

Got it!
X
%d bloggers like this: