ବ୍ରହ୍ମପୁର (ସମୃଦ୍ଧ ଓଡିଶା) କେନ୍ଦ୍ରାପଡ଼ାରେ ସାମ୍ବାଦିକଙ୍କୁ ଆକ୍ରମଣ ଘଟଣାକୁ ଏକ ସପ୍ତାହ ବିତି ନଥିବା ବେଳେ ବ୍ରହ୍ମପୁରରେ ପୁଣି ଜଣେ ସାମ୍ବାଦିକଙ୍କୁ ଆକ୍ରମଣ ଘଟଣା କରାଯାଇଥିବାରୁ ଏହାକୁ ନେଇ ସାମ୍ବାଦିକ ମହଲରେ ନିନ୍ଦା କରାଯାଇଛି । ରବିବାର ବ୍ରହ୍ମପୁର ପ୍ରମୟର ସିଟି ରିପୋର୍ଟର ପ୍ରହଲ୍ଲାଦ ସାହୁଙ୍କୁ ଖବର ସଂଗ୍ରହ କରୁଥିବା ବେଳେ ଆକ୍ରମଣ କରାଯାଇଥିଲା । ସୂଚନା ଅନୁଯାୟୀ ଜନୈକ ମହିଳା ତାଙ୍କ ପାରିବାରିକ କଳହ ସମସ୍ୟାକୁ ନେଇ ଗୋଷାଣୀନୂଆଁ ଗାଁ ଥାନାରେ ଧାରଣାରେ ବସିଥିଲେ । ଏହି ସ୍ଥାନରେ ପ୍ରହଲ୍ଲାଦଙ୍କ ସମେତ ବହୁ ସାମ୍ବାଦିକ ଉପସ୍ଥିତ ଥିଲେ । ତେବେ ସେଠାରେ ଖବର ସଂଗ୍ରହ କରୁଥିବା ବେଳେ ମହିଳାଙ୍କ ଦେଢ଼ସୁର ରମାନନ୍ଦ ସାଗର ମହାନ୍ତି ଉପସ୍ଥିତ ସମସ୍ତ ସାମ୍ବାଦିକଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହିତ ଉପସ୍ଥିତ ସାମ୍ବାଦିକଙ୍କ ଫଟୋ ଉଠାଇ ଥିଲେ । ଏହାକୁ ସମସ୍ତ ସାମ୍ବାଦିକ ପ୍ରତିବାଦ କରିବା ସ୍ଵତେ କିଛିନ ଶୁଣି ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ ଏଥିରେ ସାମ୍ବାଦିକ ପ୍ରହଲ୍ଲାଦ ସାହୁ ରମାନନ୍ଦଙ୍କୁ ଫୋଟ ଉଠାଇବା ପାଇଁ ବାରଣ କରିବା ସହ ଗାଳିଗୁଲଜ କରିବାକୁ ମନା କରିଥିଲେ । କିନ୍ତୁ ଏଥିରେ ରାମାନନ୍ଦ ଊତ୍ୟକ୍ତ ହୋଇ ପ୍ରହଲ୍ଲାଦଙ୍କୁ ଏକ ଦୋକାନ ପାଖରେ ତଳେ ପକାଇ ଆକ୍ରମଣ କରିଥିଲେ । ଏଥିରେ ସାମ୍ବାଦିକ ଶ୍ରୀ ସାହୁଙ୍କ କାନ, ନାକ ଓ ଓଠରୁ ରକ୍ତସ୍ରାବ ହୋଇଥିଲା ଏବଂ ଏକ ଆଙ୍ଗୁଠି ଭାଙ୍ଗି ଯାଇଥିବା ଜଣାପଡ଼ିଛି । ଏହାପରେ ଅନ୍ୟ ସାମ୍ବାଦିକମାନଙ୍କ ଉପସ୍ଥିତରେ ପ୍ରହଲ୍ଲାଦଙ୍କୁ ହସ୍ପିଟାଲ ନିଆଯାଇ ଚିକିତ୍ସା କରାଯାଇଥିଲା । ସମସ୍ତ ସାମ୍ବାଦିକଙ୍କ ଉପସ୍ଥିତରେ ଏନେଇ ଗୋଷାଣୀ ନୂଆଁ ଗାଁ ଥାନାରେ ଅଭିଯୋଗ କରି ସାମ୍ବାଦିକ ମାନେ ଫେରୁଥିବା ବେଳେ ପୁଣି ରମାନନ୍ଦ ମହାନ୍ତି ପ୍ରହଲ୍ଲାଦଙ୍କୁ ଭିଡି ଆଣି ତଲେ ପକାଇ ତଣ୍ଟି ଉପରେ ଗୋଡ଼ ରଖିଥିଲେ । ଏହି ସମୟରେ ସାମ୍ବାଦିକ ତଥା ଆଇନଜୀବୀ ଚିରଞ୍ଜିତ ରାଜଗୁରୁ ଉଦ୍ଧାର କଲାବେଳେ ତାଙ୍କୁ ମଧ୍ୟ ଧମକ ଦେଇଥିଲେ ରମାନନ୍ଦ । ଘଟଣାକୁ ନେଇ ବ୍ରହ୍ମପୁର ତଥା ଗଂଜାମ ଜିଲ୍ଲାର ବହୁ ସାମ୍ବାଦିକ ଏକତ୍ରୀତ ହୋଇ ଏକ ଲିଖିତ ଅଭିଯୋଗ ଥାନାରେ ପ୍ରଦାନ କରିଥିଲେ ଏବଂ ଥାନା ସମ୍ମୁଖରେ ସମସ୍ତ ସାମ୍ବାଦିକ ଏକତ୍ରିତ ହୋଇ ଅଭିଯୁକ୍ତଙ୍କୁ ଗିରଫ ଦାବି କରିଥିଲେ । ଏହାକୁ ନେଇ ଗୋଷାଣୀନୂଆଁ ଗାଁ ସ୍ଥିତ ଥାନା ପକ୍ଷରୁ ଜଣେ ଅଭିଯୁକ୍ତଙ୍କୁ ଅଟକ ରଖି ମାମଲା ରୁଜୁ କରିଛନ୍ତି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
