ଜଳେଶ୍ୱର (ସମୃଦ୍ଧ ଓଡିଶା) ବାଲେଶ୍ୱର ଜିଲାର ଉପାନ୍ତ ଜଳେଶ୍ୱରରେ କରୋନା ଦିନକୁ ଦିନ କାୟା ମେଲାଇ ଚାଲୁଥିବାରୁ ଏହାକୁ ରୋକିବା ଲାଗି ବିଭିନ୍ନ ସଂଗଠନ ପକ୍ଷରୁ ଲୋକମାନଙ୍କୁ ସଚେତନତା କରାଯିବା ସହିତ ବିଭିନ୍ନ ଜନଗହଳି ସ୍ଥାନକୁ ସାନିଟାଇଜ୍ କରାଯାଉଛି । କେ. ଏମ୍ ସାହି ପଂଚାୟତର ଗଡସାହି ଗାଁରେ ଥିବା ବିଭିନ୍ନ ସ୍ଥାନକୁ ଏପରିକି ଘରକୁଘର ବୁଲି ସାନିଟାଇଜ୍ କରାଯାଉଛି । ଅଙ୍ଗନୱାଡି କର୍ମୀ ମମତା ଦାସ ମହାପାତ୍ର ଓ ଆଶା ଦିଦି ମୀନତି ମହାନ୍ତି ନିଜେ ଏହି ସାନିଟାଇଜ୍ କାର୍ଯ୍ୟରେ ଯୋଗ ଦେବା ସହିତ ଲୋକମାନଙ୍କୁ ସଚେତନ କରାଉଥିବା ଦେଖିବାକୁ ମିଳିଛି । ସେମାନଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।
