ଜଳେଶ୍ୱର (ସମୃଦ୍ଧ ଓଡିଶା) କେନ୍ଦ୍ର ସରକାରଙ୍କ ଅଗ୍ନିପଥ ଯୋଜନାକୁ ତୁରନ୍ତ ପ୍ରତ୍ୟାହାର ଦାବିରେ ଆଜି ଅପରାହ୍ନରେ ଜଳେଶ୍ୱର ଷ୍ଟେସନ ଛକ ନିକଟରେ ସିପିଆଇଏମ୍ ପକ୍ଷରୁ ଏକ ପ୍ରତିବାଦ ସଭା ଅନୁଷ୍ଠିତ ହୋଇ ଯାଇଛି । ସୌନ୍ୟବାହିନୀରେ ଠିକା ନିଯୁକ୍ତିକୁ କଳା କୃଷି ଆଇନ୍ ଭଳି ବାତିଲ କରିବାକୁ ଦାବି କରିଥିବା ବେଳେ ଆନ୍ଦୋଳନକୁ ହିଂତ୍ସାତ୍ମକ ନ କରିବାକୁ ଦଳ ପକ୍ଷରୁ ନିବେଦନ କରାଯାଇଛି । ଏଣୁ ତୁରନ୍ତ ଅଗ୍ନିପଥ ଯୋଜନାକୁ ପ୍ରତ୍ୟାହାର କରି ପୂର୍ବଭଳି ସ୍ଥାୟୀ ନିଯୁକ୍ତି ଦେବାପାଇଁ ଜଳେଶ୍ୱର ସିପିଆଇଏମ୍ର ସଭାପତି ଦିଲ୍ଲିପ କୁମାର ଗିରିଙ୍କ ସଭାପତିତ୍ୱରେ ଅନୁଷ୍ଠିତ ପଥପ୍ରାନ୍ତ ସଭାରେ ବକ୍ତାମାନେ ଦାବି କରିଛନ୍ତି । ଅନ୍ୟମାନଙ୍କ ମଧ୍ୟରେ ବରିଷ୍ଠ ନେତା ସିତାଂଶୁ ସେନାପତି, ଦିପ୍ତିମାନ ଆଚାର୍ଯ୍ୟ, ଜିତାଂଶୁ ନନ୍ଦି, ପଲ୍ଟୁ ଦାସ, ସବିତା ଭୂୟାଁ, ପୂର୍ଣ୍ଣଚନ୍ଦ୍ର ସିଂ, ରବିନ୍ଦ୍ର ବାରିକ, ଜୀବନ ପରିଡା, ଗଣେଶ ପାତ୍ର, ପ୍ରକାଶ ଦେ, ବିଦ୍ୟାଧର ପାତ୍ର ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ ।
ରିପୋର୍ଟ : ଭୂପତି ପରିଡା