ପଦ୍ମପୁର (ସମୃଦ୍ଧ ଓଡିଶା) ପଦ୍ମପୁର ଲାଲବାହାଦୁର ଶାସ୍ତ୍ରୀ ଉ.ପ୍ରା ବିଦ୍ୟାଳୟର ପୁରାତନ ଶିକ୍ଷକ ସ୍ୱର୍ଗତ ଛନ୍ଦା ଚରଣ ମହାନ୍ତିଙ୍କୁ ଆଜି ବିଦ୍ୟାଳୟର ଶିକ୍ଷକ, କମିଟି ସଦସ୍ୟ, ଉପଦେଷ୍ଟା ମଣ୍ଡଳୀର ସଭ୍ୟ, ପୂର୍ବ ଛାତ୍ର ଗଣ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସେ ଏହି ବିଦ୍ୟାଳୟର ଜଣେ ଲୋକ ପ୍ରିୟ, ଛାତ୍ରବତ୍ସଳ ଶିକ୍ଷକ ଥିଲେ । ବିଦ୍ୟାଳୟକୁ ଘର ସଦୃଶ ମଣି ସକାଳେ ଶିକ୍ଷାଦାନ, ସ୍କୁଲ ସମୟରେ ଶିକ୍ଷାଦାନ, ପୁଣି ସନ୍ଧ୍ୟାରେ ଶିକ୍ଷାଦାନ କରୁଥିଲେ । ପିତାମାତା ସଦୃଶ ଛାତ୍ର ଛାତ୍ରୀଙ୍କୁ ସର୍ବଦା ଉପଦେଶ ଦେବା ସହ ନିଜେ କର୍ତ୍ତବ୍ୟ ନିଷ୍ଠ ରହୁଥିଲେ ବୋଲି ବିଦ୍ୟାଳୟର ବରିଷ୍ଠ ତଥା ପୂର୍ବତନ ଚେୟାରମ୍ୟାନ ଅମରଦୀପ ଅଗ୍ରୱାଲ ସୁବ୍ଯକ୍ତ କରିଥିଲେ । ଏହି ସମୟରେ ପିଲା ଶିକ୍ଷକଙ୍କ ସ୍ନେହ ପାଇଁ ଭକ୍ତିଭାବ ଆଜ୍ଞାବହ ହୋଇ ପଢାପ୍ରତି ଧ୍ୟାନ ଦେଉଥିଲେ । ଏପରିକି ଘରକୁ ମଧ୍ୟ ମନେ ପକାଉ ନ ଥିଲେ । ସେହିପରି ପୂର୍ବତନ ସିଆରସିସି ଭକ୍ତହରି ମେହେର କହିଥିଲେ ଯେ ସେ ଅନ୍ୟମାନଙ୍କ ପାଇଁ ମଧ୍ୟ ପ୍ରେରଣାର ଉତ୍ସ ଥିଲେ । ସମୟ ଦେଇ କାର୍ଯ୍ୟ କରିବାରେ ଅମଙ୍ଗ ନ ଥିଲେ ପ୍ରକାଶ ଥାଉ କି ଗତ ଶନିବାର ରାତିରେ ଛନ୍ଦାଚରଣ ମହାନ୍ତି ଆଜ୍ଞାଙ୍କ ଦେହାନ୍ତ ହୋଇଥିଲା । ତାଙ୍କର ଅନୁପସ୍ଥିତି ସମସ୍ତଙ୍କ ମନରେ କେବଳ କୋହ ଦେଇ ଯାଇଛି । ପ୍ରଧାନ ଶିକ୍ଷକ ସୁବାଷ ନାଥ ତାଙ୍କ ଆତ୍ମାର ସତଗତି କାମନା କରିଥିଲେ ଏବଂ ଏହା ଏକ ଅପୂରଣୀୟ କ୍ଷତି ବୋଲି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ରିପୋର୍ଟ – ନିରୋଜ କୁମାର ପାଣୀ