ବ୍ରହ୍ମପୁର (ସମୃଦ୍ଧ ଓଡିଶା) ଉତ୍ତରପ୍ରଦେଶର ଆଜମଗଡ଼ ଠାରେ ଅନୁଷ୍ଠିତ ହେଉଥିବା ସର୍ବଭାରତୀୟ ବହୁଭାଷୀ କ୍ଷୁଦ୍ର ନାଟକ ପ୍ରତିଯୋଗିତାରେ ଭାଗନେବା ପାଇଁ ଗଂଜାମ ଜିଲ୍ଲାର ୧୦ ଜଣ କଳାକାର ବୁଧବାର ଉତ୍ତରପ୍ରଦେଶର ଆଜମଗଡ଼ ଗସ୍ତ କରିଛନ୍ତି । ଅଗ୍ରଣୀ ନାଟ୍ୟସଂସ୍ଥା ଆଶିଷ ଅଂଶୁମାନ ସୌଖିନ କଳାକାର ସଂଘ ତରଫରୁ ରାଜଗୋପାଳ ପାଢ଼ୀଙ୍କ ନେତୃତ୍ୱରେ ଯାଇଥିବା ଏହି ନାଟ୍ୟଦଳ ଆଜମଗଡ଼ରେ ଓଡ଼ିଆ ନାଟକ “ଶାପିତ ପୁତ୍ର” ମଞ୍ଚସ୍ଥ କରିବ । ନାଟକର ରଚନା ଓ ନିର୍ଦ୍ଦେଶନା ରାଜଗୋପାଳ ପାଢ଼ୀ ଦେଉଥିବା ବେଳେ ନାଟକରେ ଅରୁଣ ସାହୁ ସଙ୍ଗୀତ ନିର୍ଦ୍ଦେଶନା ଦେଉଛନ୍ତି । ନାଟ୍ୟଦଳରେ ଅନ୍ୟମାନଙ୍କ ଦୀନବନ୍ଧୁ ଶତପଥୀ, ସିଏଚ.ଦେବଦାସ, ସଦାନନ୍ଦ ରଣା, ସୁଶାନ୍ତ ପାଣିଗ୍ରାହୀ, ଭଗବାନ ମଲ୍ଲିକ, ପ୍ରଣତି ପାତ୍ର, ନିରୁପାରାଣୀ ପାଢ଼ୀ ଓ ଅଂଶିକା ଅନ୍ବିତା ପାଢ଼ୀ ପ୍ରମୁଖ ଗସ୍ତ କରଛନ୍ତି । ପୂର୍ବରୁ ଶାପିତ ପୁତ୍ର ନାଟକ ବିହାରର ବରିଆରପୁର ସହିତ ଗଞ୍ଜାମ ଜିଲ୍ଲାର ବିଭିନ୍ନ ଯାଗାରେ ସଫଳତାର ସହ ମଞ୍ଚସ୍ଥ ହୋଇ ଖୁବ ପୁରସ୍କାର ଓ ପ୍ରଶଂସା ସାଉଁଟି ଥିବା ବେଳେ ଏବେ ପୁଣିଥରେ ନାଟକର ସଫଳତା ପାଇଁ ଦଳ ଆଶା ରଖିଛି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା