ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳ ଜିଲ୍ଲା ଗଦିଆଁ ବ୍ଳକ ଭୀମନଗରୀଥାନର ସାଧାରଣ ବାର୍ଷିକ ଅଧିବେଶନ ଥାନ ପାତ୍ର ଗୋବର୍ଦ୍ଧନ ନାୟକଙ୍କ ସଭାପତିତ୍ବରେ ମାର୍ଚ୍ଚ ମାସ ୧୪ ତାରିଖ ତଥା ଗତକାଲି ଝାରଦାଗ୍ରାମର ଗିରିଧାରୀ ଆଶ୍ରମ ଠାରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ଲକ୍ଷ୍ମୀ ନାରାୟଣ ପୁଟୁଳି ବୈଶ୍ୟ ସମାଜ କେନ୍ଦୁପାଟଣା କେନ୍ଦ୍ରୀୟ ସଭାପତି ରଶ୍ମି କାନ୍ତ ସାହୁ ମୁଖ୍ୟ ଅତିଥି ରୂପେ ଯୋଗଦେଇ ପ୍ରଦୀପ ପ୍ରଜ୍ବଳନ କରି ଆନୁଷ୍ଠାନିକ ଭାବେ ଉଦଘାଟନ କରି ବକ୍ତବ୍ୟ ପ୍ରଦାନ କରିଥିଲେ । ତାଙ୍କ ବକ୍ତବ୍ୟରେ ଶ୍ରୀ ସାହୁ ଯୁବପିଢି ଓ ମହିଳା ମାନେ ସାମିଲ ହୋଇ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ । ସମ୍ମାନୀତ ଅତିଥି ଭାବେ କେନ୍ଦ୍ରୀୟ ସମ୍ପାଦକ ସନ୍ତୋଷ କୁମାର ସାହୁ, କେନ୍ଦ୍ରୀୟ ସଂଗଠନ ସଂପାଦକ ସୁଶାନ୍ତ କୁମାର ପୃଷ୍ଟି, ରାହାମା ଥାନ ସମ୍ପାଦକ ରାଜ କିଶୋର ସାହୁ ଜାତିର ଐତିହ ଓ ଆଗାମୀ ଯୋଜନା ସମ୍ବନ୍ଧରେ ପରାମର୍ଶ ଦେଇଥିଲେ । ଥାନ ସମ୍ପାଦକ ବିଜୟ କୁମାର ପୃଷ୍ଟି ସମ୍ପାଦକୀୟ ବିବରଣୀ ପାଠ କରିଥିଲେ । ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ହରିହର ସାହୁ ଅତିଥି ପରିଚୟ ଓ ମଞ୍ଚ ପରିଚାଳନା କରିଥିଲା ବେଳେ ସଭ୍ୟ ଦ୍ୱାରିକା ନାଥ ମହାନ୍ତି ଧନ୍ୟବାଦ ଅର୍ପଣ କରିଥିଲେ । ପୂର୍ବତନ ଥାନ ପାତ୍ର ଗିରିଧାରୀ ସାହୁ, ନୃସିଂହ ଚରଣ ନାୟକ, ସଭ୍ୟ ମୋହନ କୁମାର ସାହୁ, ଶରତ ଚନ୍ଦ୍ର ପୃଷ୍ଠିଙ୍କୁ ମାନପତ୍ର ଉପଢୌକନ ଓ ଫୁଲତୋଡ଼ା ଦେଇ ସମ୍ବର୍ଦ୍ଧିତ କରାଯାଇଥିଲା । ବିନାୟକ ମହାନ୍ତି ଶ୍ଳୋକ ପାଠ ପଢିଥିଲେ । କେନ୍ଦ୍ରୀୟ ସହସମ୍ପାଦକ ରବୀନ୍ଦ୍ର ନାଥ ସାହୁ ଅସୁସ୍ଥତା ଯୋଗୁଁ ଆସି ନ ପାରି ବାର୍ତ୍ତା ପ୍ରଦାନ କରିଥିଲେ । ଏହି ସଭାରେ ପ୍ରାୟ ୮୦ ଜଣ ଯୋଗଦାନ କରିଥିଲେ ।