ଦୀନକୃଷ୍ଣ ସ୍ମୃତି ପରିଷଦର ୨୧ତମ ସାରସ୍ୱତ ବସନ୍ତ ଉତ୍ସବ ପାଇଁ ବୈଠକ…

ଜଳେଶ୍ୱର(ସମୃଦ୍ଧ ଓଡିଶା)ପ୍ରତିବର୍ଷ ପରି ଚଳିତବର୍ଷ ଦିନକୃଷ୍ଣ ସ୍ମୃତିପରିଷଦର ୪୧ତମ ସାରସ୍ୱତ ବସନ୍ତ ସମାରୋହ ଆସନ୍ତା ୨୯ ତାରିଖ ପୂର୍ବାହ୍ନ ୯.୩୦ମି. ସମୟରେ ନୂଆବଜାରସ୍ଥିତ ଭଂଜଶ୍ରୀ ବିହାର ପରିସରରେ ଅନୁଷ୍ଠିତ ହେବ । ପରିଷଦର ସଭାପତି ଡ. ରମାକାନ୍ତ ଭଂଜଙ୍କ ପୌରହିତ୍ୱରେ ଅନୁଷ୍ଠିତ ଏକ ବୈଠକରେ ସଂପାଦକ ବିପିନ ବିହାରୀ ବିଶ୍ୱାଳ ଯୋଗ ଦେଇ ଏହି ଅବସରରେ ଓଡିଶା ତଥା ପଶ୍ଚିମବଂଗର ବହୁ ପ୍ରତିଷ୍ଠିତ କବି ଓ ଲେଖକ ଯୋଗ ଦେବେ ବୋଲି ପ୍ରକାଶ କରିଥିଲେ । ପଶ୍ଚିମବଂଗରୁ ଭୂପେଷ ଗୁକ୍ତ, ସୁନିଲ ମାଝୀ, ଅଲୋକ ନନ୍ଦୀ ପ୍ରମୁଖ ଯୋଗ ଦେବା ସଂଗେ ସଂଗେ ଓଡିଶାରୁ ପୂର୍ବତନ ସାଂସଦ ଡ. କାର୍ତ୍ତିକେଶ୍ୱର ପାତ୍ର, ବାଲେଶ୍ୱର ପୂର୍ବତନ ଜିଲାପାଳ ଡ ଅଲେଖ ଚନ୍ଦ୍ର ପଢିଆରୀ, ସମାଜସେବୀ ସୁବାସିନୀ ଜେନା, ଇଂ ଅଭୟ ସୁତାର, ଡ. ଭାଗବତ ବେହେରା, ଡ. ସିରିଶ ଚନ୍ଦ୍ର ଜେନା ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ରହିଛି ବୋଲି ପ୍ରକାଶ କରିଥିଲେ । ଏହି ଅବସରରେ ଡ. ଅନନ୍ତ କୁମାର ପରିଡାଙ୍କ ରଚିତ ଫକୀରାମୋହନଙ୍କ ସାହିତ୍ୟରେ ନୀତିବୋଧ ପୁସ୍ତକ ଉନ୍ମୋଚିତ ହେବ । ତେଣୁ ଏଥିରେ କବି, ସାହିତ୍ୟିକ ଓ ସଂସ୍କୃତିପ୍ରେମୀ ଯୋଗଦେବାକୁ ସଂପାଦକ ବିପିନ ବିହାରୀ ବିଶ୍ୱାଳ ନିବେଦନ କରିଛନ୍ତି ।

ରିପୋର୍ଟ : ଭୂପତି