ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ଏବଂ ଭକ୍ତକବି ଦୀନକୃଷ୍ଣ ଦାସଙ୍କ ନାମରେ ନାମିତ ଦୀନକୃଷ୍ଣ କଲେଜରେ ଦୁଇଦିନ ଧରି ଜାତୀୟ ସମର ଶିକ୍ଷାର୍ଥୀ ବାହିନୀ ଦିବସ ପାଳନ ହୋଇଯାଇଛି । ଗତ ରବିବାର କଲେଜ ପଡିଆରେ ସମୁହ ପ୍ୟାରେଡ୍ ଅନୁଷ୍ଠିତ ହୋଇ ଥିବାବେଳେ କଲେଜ ଅଧ୍ୟକ୍ଷ ପତାକା ଉତ୍ତୋଳନ ଓ ଅଭିବାଦନ ଗ୍ରହଣ କରିଥିଲେ । ଆଜି ଶିକ୍ଷାର୍ଥୀମାନେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିଲେ । ଆତଙ୍କବାଦୀ ଆକ୍ରମଣ ବେଳେ ଦୁର୍ଗମ ଅଂଚଳରେ ନିଜର ସୁରକ୍ଷା ସହିତ ସେମାନଙ୍କୁ ଆକ୍ରମଣର ଏକ ପ୍ରତୀକ ଘଟଣା ପ୍ରଦର୍ଶିତ କରିଥିଲେ । ଏହା ବ୍ୟତିତ ଓଡିଶୀ, ସମ୍ବଲପୁରୀ ଓ ବିଭିନ୍ନ ପ୍ରତିଯୋଗୀତା ଅନୁଷ୍ଠିତ ହୋଇଥିଲା । ଆଯୋଜିତ ସଭାରେ ଅଧ୍ୟକ୍ଷ ଡ. ରମେଶଚନ୍ଦ୍ର ରାଉତ ଅଧ୍ୟକ୍ଷତା କରି ଶୃଙ୍ଖଳାଶିକ୍ଷାର୍ଥୀଙ୍କ ପ୍ରଥମ ଶିକ୍ଷଣିୟ ବୋଲି କହିଥିଲେ । ମୁଖ୍ୟ ଅତିଥିଭାବେ ମେଜର ଡ. ଉଜ୍ଜଳ କୁମାର ପଣ୍ଡା ଯୋଗ ଦେଇ ସାମ୍ପ୍ରତିକ ପରିସ୍ଥିତିରେ ଛାତ୍ର ଓ ଯୁବବାହିନୀ ଆତଙ୍କ ବାଦର ମୁକାବିଲା, ଦୈବଦୁର୍ବିପାକ ବେଳେ ଜରୁରୀକାଳିନ ସହାୟତା ପରିଶେଷରେ ସୈନ୍ୟବାହିନୀଙ୍କ ମାତୃଭୂମୀ ପ୍ରତି କର୍ତ୍ତବ୍ୟ ଓ ନିଷ୍ଠା ସଂପର୍କରେ ଆଲୋକପାତ କରିଥିଲେ । ସମ୍ମାନୀତ ଅତିଥିଭାବେ ଡ. ହିମାଂଶୁ ସାମଲ, ରାଧାରଂଜନ ସେନାପତି, ସନ୍ୟାସୀ ପାତ୍ର, ଦୀପକ ସେନାପତି, ସନ୍ତୋଷ ବେହେରା, ବିରଂଚି ନାରାୟଣ ସାହୁ ପ୍ରମୁଖ ଯୋଗ ଦେଇ ସମର ଶିକ୍ଷାର୍ଥି ବାହିନୀର ଆଭିମୁଖ୍ୟ ସଂପର୍କରେ ସୂଚନା ଦେଇଥିଲେ । ଏନ୍ସିସି ଦାୟିତ୍ୱରେ ଥିବା ଧନେଶ୍ୱର ସେଠୀ ସୂଚନା ଓ ଧନ୍ୟବାଦ ଅର୍ପଣ କରିଥିଲେ । ଶେଷରେ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା ।
ରିପୋର୍ଟ : ଭୂପତି ପରିଡା