ଢେଙ୍କାନାଳ (ସମୃଦ୍ଧ ଓଡିଶା) ଆଜି ସହୀଦ ବାଜି ରାଉତଙ୍କ ସହୀଦ ଦିବସରେ ବାଜି ରାଉତଙ୍କର ଏକ ଜୀବନୀ ସଙ୍ଗୀତ ସିଡି ଢେଙ୍କାନାଳ ସାଂସଦ ମହେଶ ସାହୁଙ୍କ ଦ୍ୱାରା ଓ ଢେଙ୍କାନାଳ ବିକାଶ ପରିଷଦର କାର୍ଯ୍ୟକାରୀ ଅଧ୍ୟକ୍ଷ ରାଜ ନାରାୟଣ ତ୍ରିପାଠୀଙ୍କ ସହଯୋଗରେ ଉନ୍ମୋଚନ ହୋଇଛି l ଏହି କାର୍ଯ୍ୟକ୍ରମରେ ଢେଙ୍କାନାଳ କ୍ରାନ୍ତିର ସଭାପତି ତଥା ବରିଷ୍ଠ ଆଇନଜୀବୀ ଦିପ୍ତୀଶ ପ୍ରସାଦ ପଟ୍ଟନାୟକ ଢେଙ୍କାନାଳ ସଚେତନ ନାଗରିକ ଫୋରମର ଉପ-ସଭାପତି ପଙ୍କଜ ନାୟକ, ସମ୍ପାଦକ ଭରତ ଦାସ, ସହ-ସମ୍ପାଦକ ତଥା ଆଇନଜୀବୀ ଗୁପ୍ତେଶ୍ୱର ମିଶ୍ର, ଡ଼ା.ଦେବୀପ୍ରସାଦ ମିଶ୍ର, ଇଂ ସୌମ୍ୟବ୍ରତ ସାହୁ ପ୍ରମୁଖ ଉପସ୍ଥିତ ଥିଲେ l ୩ଟି ସଂଗଠନର କର୍ମକର୍ତ୍ତା ମାନେ ଗୋବିନ୍ଦପୁର କଳିଙ୍ଗ ସୁତା କଳ ପାଇଁ ମୁଖ୍ୟମନ୍ତ୍ରୀଙ୍କୁ ଦିଆଯାଇଥିବା ଦାବିପତ୍ର ସମ୍ବନ୍ଧରେ ସାଂସଦ ଶ୍ରୀ ସାହୁଙ୍କ ସହିତ ବିସ୍ତୃତ ଭାବେ ଆଲୋଚନା କରିଥିଲେ l