ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳ ଜିଲ୍ଲା ଗଁଦିଆ ବ୍ଲକର ରାଇତଳା ଗ୍ରାମ ପଞ୍ଚାୟତ ଅନ୍ତର୍ଗତ କୋକେଇଦା ଗ୍ରାମର ସମୀର କାନ୍ତ ସାହୁ ଗତ କିଛି ମାସ ହେବ ସ୍ନାୟୁ ଜନିତ ରୋଗରେ ପୀଡିତ ଅଛନ୍ତି । ସମୀର କାନ୍ତଙ୍କ ପିତା ହେଉଛନ୍ତି ପୁରସ୍ତମ ସାହୁ । ତାଙ୍କ ଘରର ଏକ ମାତ୍ର ରୋଜଗାର ପୁଅ ହେଉଛନ୍ତି ସମୀର କାନ୍ତ । ସମୀର କାନ୍ତଙ୍କ ଏପରି ଅବସ୍ଥାରେ ମର୍ମାହତ ପୂରା ପରିବାର । ଏକ ପ୍ରକାରର ବେସାହାରା ହୋଇ ଜୀବନ ମୃତ୍ୟୁ ସହ ସଂଗ୍ରାମ ଜାରି ରଖିଛନ୍ତି ସମୀର । ଘରେ ନିଜ ବୃଦ୍ଧ ବାପା, ମାଆ, କୁନିକୁନି ଛୁଆ, ଆଉ ପତ୍ନୀ ଏବଂ ସମସ୍ତଙ୍କ ମୁହଁରେ ଗୋଟିଏ କଥା କେବେ ସୁସ୍ଥ ହୋଇ ପୁଣି ରୋଜଗାର କରି ଘର ଚଳେଇବେ ସମୀର । ଘରର ଆର୍ଥିକ ଅବସ୍ଥା ଏବେ ବାଧକ ସାଜିଛି ସମୀରଙ୍କ ଜୀବନରେ । ସରକାରୀ ସାହାଯ୍ୟ ସହ ଯଦି କୌଣସି ହୃଦୟବାନ ବ୍ୟକ୍ତି ସହଯୋଗର ହାତ ବଢାନ୍ତି, ତେବେ ହୁଏତ ସମୀରଙ୍କ ହସଖୁସି ପୁଣି ଫେରି ଆସିବ ବୋଲି ମତ ପ୍ରକାଶ ପାଇଛି । ଆସନ୍ତୁ ଆମେ ସମସ୍ତେ ମିଶି ତାଙ୍କୁ ସହଯୋଗର ହlତ ବଢେଇବା ସହ ତାଙ୍କ ସୁସ୍ଥ ଏବଂ ନିରାମୟ ଜୀବନ ନେଇ ମହାପ୍ରଭୁଙ୍କ ନିକଟରେ ପ୍ରାର୍ଥନା କରିବା ବୋଲି ଚନ୍ଦ୍ରଶେଖର ୟୁଥ୍ କ୍ଲବ ପକ୍ଷରୁ କୁହାଯାଇଛି । ତାଙ୍କୁ ସହଯୋଗ କରିବାକୁ ଚାହୁଁଥିବା ବ୍ୟକ୍ତି ମୋ- ୬୩୭୨୮୩୪୫୫୦ରେ ଯୋଗାଯୋଗ କରିପାରିବେ ବୋଲି କୁହାଯାଇଛି । ଗତକାଲି ଚନ୍ଦ୍ରଶେଖର ୟୁଥ୍ କ୍ଲବ ପକ୍ଷରୁ ସମୀରଙ୍କ ବିଷୟରେ ସୋସିଆଲ୍ ମିଡିଆରେ ପୋଷ୍ଟ କରାଯାଇଥିଲା । ଆଜି ଢେଙ୍କାନାଳର ଆଗଧାଡିର ସମାଜସେବୀ ରତ୍ନାକର ବେହେରା ଏବଂ ଚନ୍ଦ୍ରଶେଖର ୟୁଥ୍ କ୍ଲବର ସଦସ୍ୟ ମାନଙ୍କ ସହଯୋଗ କ୍ରମେ ସମୀରଙ୍କ ପରିବାରକୁ ୨୦୦୦ ଟଙ୍କାର ଆର୍ଥିକ ସହାୟତା ଏବଂ ଖାଦ୍ୟ ସାମଗ୍ରୀ ଫଳମୂଳ ପ୍ରଭୃତି ଯୋଗାଇ ଦିଆଯାଇଛି । ମହାପ୍ରଭୁ ଶ୍ରୀ ଜଗନ୍ନାଥ ଏବଂ ବାବା ଚନ୍ଦ୍ରଶେଖରଙ୍କ ନିକଟରେ ସମୀରଙ୍କ ଦୀର୍ଘ ଏବଂ ନିରାମୟ ଜୀବନ କାମନା କରିବା ସହ ଆପଣମାନଙ୍କ ସହଯୋଗ ଆଶା କରୁଛୁ ବୋଲି ଚନ୍ଦ୍ରଶେଖର ୟୁଥ୍ କ୍ଲବ ପକ୍ଷରୁ କୁହାଯାଇଛନ୍ତି ।
ରିପୋର୍ଟ : ଶୁଭମ ପାଣି
